Transatl­antic Lines LCC, sem er stofnað af og að hluta til í eigu Íslend­ings, hefur séð um all frakt­flutn­inga til her­stöðvar Banda­ríkja­hers í Guant­ana­mo-flóa. Samn­ingar félags­ins við Banda­ríkin frá síð­ustu ald­ar­mótun eru metnir á 184 millj­ónir dala, um 24 millj­arða króna. Grapevine greinir frá þessu á heima­síðu sinni.

Þar segir að Grapevine hafi haft sam­band við Íslend­ing­inn, Guð­mund Kjærne­sted, áður en að greinin var birt en hann vildi ekki tjá sig um hana. Guð­mundur er vara­for­seti Transatl­antic Lines LCC og stofn­aði fyr­ir­tækið árið 1998 í Conn­et­icut í Banda­ríkj­un­um.

Fanga­búðir hafa verið reknar við Guant­ana­mo-flóa frá árinu 2002. Til­gangur þeirra hefur verið að ein­angra og yfir­heyra meinta hryðju­verka­menn sem tengj­ast Al Kaída, Talí­bönum eða öðrum hermd­ar­verka­sam­tök­um. Þeir sem haldið hefur verið í búð­unum hafa verið skil­greindir af banda­rískum yfir­völdum sem óvin­veittir bar­da­menn og hafa ekki notið þeirrar rétt­ar­stöðu sem Gen­far­sátt­mál­inn og banda­rísk lög tryggja ann­ars mönnum í haldi. Þegar mest var voru mörg hund­ruð manns í haldi í búð­un­um. Barack Obama, for­seti Banda­ríkj­anna, hefur lýst yfir vilja til að loka búð­unum en það hefur ekki gengið eft­ir. Í des­em­ber síð­ast­liðnum voru enn 127 fangar í haldi í búð­un­um.