Gunnar H. Sig­urðs­son, fram­kvæmda­stjóri Sem­ents­verk­smiðj­unnar, segir að inn­flutn­ingur á sem­enti hafi dreg­ist mikið saman í haust í sam­tali við Kjarn­ann. Sam­kvæmt honum er mikil óvissa í kort­unum varð­andi afhend­ing­ar­á­ætl­anir og á Sem­ents­verk­smiðjan erfitt með að standa við sínar skuld­bind­ingar þessa stund­ina.

Sam­kvæmt tölum Hag­stof­unnar voru að með­al­tali flut inn um 14 þús­und tonn af Portlands­sem­enti, sem er algeng­asta teg­und sem­ents, til lands­ins í hverjum mán­uði árið 2019. Í fyrra var með­al­talið komið niður í 11 þús­und tonn á mán­uði, en á fyrstu mán­uðum þessa árs var með­al­talið komið upp í 13 þús­und tonn á mán­uði.

Á haust­mán­uðum sagði Gunnar þó að það hefði farið að koma í ljós að inn­flutn­ing­ur­inn myndi drag­ast mikið sam­an, en aðspurður hver ástæðan sé að baki þessum sam­drætti segir hann að það sé skortur á vör­unni í allri Skand­in­avíu og í raun­inni allri Norð­ur­-­Evr­ópu.

„Við höfum flutt inn minna en við viljum og fáum ekki það magn sem við óskum okk­ur,“ bætir Gunnar við. Sam­kvæmt honum er það áskorun fyrir Sem­ents­verk­smiðj­una að standa við skuld­bind­ingar sínar þessa stund­ina. Enn sé þó eitt­hvað fram­leitt af sem­enti á Norð­ur­lönd­un­um, sem sé svo flutt inn til lands­ins, en áskor­unin felst í því að ná meiru sem­enti til lands­ins.

Sem­ents­verk­smiðjan er að mestu í eigu þýska fyr­ir­tæk­is­ins Heidel­bergCem­ent Group og sér um inn­flutn­ing á sem­enti frá norska fram­leið­and­anum Norcem AS.