Utan­rík­is­ráðu­neytið hefur haft sam­band við sendi­ráð Íslands í Berlín og París vegna flug­slyss­ins í Frakk­landi til þess að fylgj­ast með því þegar hægt verður að nálg­ast upp­lýs­ingar um far­þega og þjóð­erni þeirra. Þetta stað­festir Urður Gunn­ars­dótt­ir, fjöl­miðla­full­trúi utan­rík­is­ráðu­neyt­is­ins, við Kjarn­ann. Enn sem komið er hefur ráðu­neytið ekki neinar upp­lýs­ingar um það hvort Íslend­ingar voru um borð í vél­inni, enda mjög skammt frá því að flug­slysið varð.

Air­bus A320 þota frá þýska flug­fé­lag­inu Germanwings, dótt­ur­fé­lagi Luft­hansa, hrap­aði í Meol­ans-Revel í morg­un. Meol­ans-Revel er um hund­rað kíló­metrum frá Nice og er mjög fámennt þorp. 148 voru um borð. Francois Hollande Frakk­lands­for­seti hefur sagt að ólík­legt sé að nokkur hafi lifað slysið af. Erfitt er að kom­ast að slys­staðn­um.

Hér má sjá stað­setn­ingu vél­ar­innar þegar hún hrap­aði. (Mynd: Flightrad­ar24.com)

Sky News greinir frá því að vélin hafi farið úr 40 þús­und feta hæð niður í sex þús­und fet á innan við tíu mín­út­um. Klukkan 9.47 í morgun barst neyð­ar­kall frá vél­inni en hún hvarf af rat­sjám mjög skömmu síð­ar.

Upp­fært 12:05: Í neyð­ar­kall­inu frá vél­inni var ekki sagt hvers eðlis vandi vél­ar­innar væri. Þá er búið að finna brak vél­ar­inn­ar, en aðeins er hægt að kom­ast að slys­staðnum með þyrl­u­m. ­Búið er að setja upp tíma­bundið lík­hús í nálægum skóla til að taka við lík­ams­leif­um.