Ólafur Þór Hauks­son, sér­stakur sak­sókn­ari, og Bryn­dís Björk Krist­jáns­dóttir skatt­rann­sókn­ar­stjóri sóttu bæði um emb­ætti hér­aðs­sak­sókn­ara, en umsókn­ar­frestur um starfið er nú útrunn­inn. Björn Þor­valds­son, sak­sókn­ari hjá emb­ætti sér­staks sak­sókn­ara sem hefur sak­sótt nokkur af stærstu hrun­málum þess, sæk­ist einnig eftir starf­inu. Það gera Jón H. B. Snorra­son, aðstoð­ar­lög­reglu­stjóri hjá lög­regl­unni á höf­uð­borg­ar­svæð­inu, og Hulda Elsa Bjög­vins­dóttir sak­sókn­ari líka.

Þetta kemur fram í til­kynn­ingu frá inn­an­rík­is­ráðu­neyt­inu.

Emb­ætti hér­aðs­sak­sókn­ara mun fara með ákæru­vald á lægra ákæru­valds­stigi, ákæru­með­ferð saka­mála og sak­sókn fyrir hér­aðs­dómi, Þá mun emb­ættið ann­ast lög­reglu­rann­sóknir í skatta- og efna­hags­brota­mál­um, ásamt rann­sóknum á brotum starfs­manna lög­reglu og brotum gegn vald­stjórn­inni. Starf­semi emb­ætti sér­staks sak­sókn­ara og skatt­rann­sókn­ar­stjóra mun því flytj­ast til þess þegar emb­ætti hér­aðs­sak­sókn­ara tekur til starfa 1. jan­úar 2016.

Þrjú vilja í Hæsta­rétt

Í til­kynn­ingu inn­an­rík­is­ráðu­eyt­is­ins segir frá því að frestur til umsóknar um þrjú emb­ætti sé runn­inn út: Emb­ætti hæsta­rétt­ar­dóm­ara, emb­ætti hér­aðs­sak­sókn­ara og vara­hér­aðs­sak­sókn­ara. Þrír sækj­ast eftir því að verða skip­aðir dóm­arar við Hæsta­rétt: Davíð Þór Björg­vins­son, Ing­veldur Ein­ars­dóttir og Karl Axels­son. Bæði Ing­veldur og Karl hafa verið settir hæsta­rétt­ar­dóm­arar og Davíð Þór er fyrrum dóm­ari við Mann­rétt­inda­dóm­stól Evr­ópu. ­Stefnt er að því að skipa í emb­ættið frá og með 1. októ­ber næst­kom­andi eða hið fyrsta eftir að nefnd um hæfni dóm­ara hefur lokið starfi sínu

Fimm sóttu um starf vara­hér­aðs­sak­sókn­ara. Björn Þor­valds­son og Hulda Elsa Björg­vins­dóttir sækj­ast líka eftir því starfi, líkt og starfi hér­aðs­sak­sókn­ara. Það gera Arn­þrúður Þór­ar­ins­dótt­ir, Kol­brún Bene­dikts­dóttir og Daði Krist­jáns­son einnig.

Í til­kynn­ing­unni segir að ráðu­neytið hafi ákveðið að fela nefnd að fara yfir umsókn­irnar og á hún að skila Ólöfu Nor­dal inn­an­rík­is­ráð­herra rök­studdu áliti á hæfni umsækj­enda. ­Gert er ráð fyrir að skipað verði í emb­ætti hér­aðs­sak­sókn­ara frá og með 1. sept­em­ber 2015 og mun hann vinna að und­ir­bún­ingi að því að emb­ætti hér­aðs­sak­sókn­ara taki til starfa 1. jan­úar 2016. Gert er ráð fyrir því að skipað verði í emb­ætti vara­hér­aðs­sak­sókn­ara frá og með 1. jan­úar 2016.