Sig­mundur Davíð Gunn­laugs­son for­sæt­is­ráð­herra segir að hrægamma­sjóðir og aðrir kröfu­hafar föllnu bank­anna hafi eytt 19 millj­örðum króna í að verja hags­muni sína og kaupa ráð­gjöf á Íslandi. Þeir hafi lagt gríð­ar­lega mikið á sig til að hanna atburð­ar­rás sér í vil og ráðið til þess íslensk almanna­tengsla­fyr­ir­tæki. Mik­ill hluti starfa þeirra hafi farið í að láta ráða­menn líta illa út. Þetta kom fram í við­tali við for­sæt­is­ráð­herra í þætt­inum Þjóð­braut á sjón­varps­stöð­inni Hring­braut í gær­kvöldi.

Þar ræddi hann einnig mögu­leg þing­lok og ástæður þess að stríðs­á­stand hafi verið á Alþingi á yfir­stand­andi þingi. Sig­mundur Davíð sagði að það væri eins og minni­hlut­inn í þing­inu teldi að völd­unum hefði verið rænt af hon­um. "Það er lík­ast því að þeim finn­ist vit­laust hafa verið talið upp úr kjör­köss­unum fyrir tveimur árum og þeim beri að hafa völdin áfram.[...]Auð­vitað vorum við sjálf nokkuð hörð í stjórn­ar­and­stöð­unni á síð­asta kjör­tíma­bili en þingið var þó starf­hæft á þeim tíma. Nú er svo ekki. Það er bein­línis mis­not­að. Ég hef í dag ekki hug­mynd hvort sam­komu­lag næst um þing­lok í dag eða eftir heilan mán­uð."

Þing­lok gætu orðið í næstu viku

Í Frétta­blað­inu í dag er hins vegar greint frá því að þing­lok gætu mögu­lega orðið í lok næstu viku. Þar er rætt við Sig­urð Inga Jóhanns­son, sjáv­ar­út­vegs- og land­bún­að­ar­ráð­herra og flokks­bróðir Sig­mundar Dav­íðs. Hann segir að gengið hafi verið að flest öllum kröfum stjórn­ar­and­stöð­unnar varð­andi breyt­ingar á mak­ríl­frum­varp­inu, sem hefur verið mik­ill þyrnir í augum henn­ar. Því sé flötur fyrir sam­starfi að ljúka þingi. Undir þetta tekur Róbert Mars­hall, ­þing­flokks­for­maður Bjartrar fram­tíð­ar, sem telur þing­lok geta orðið í lok næstu viku.