Sig­þór Jóns­son hefur ver­ið ráð­inn fram­kvæmda­stjóri Íslenskra verð­bréfa hf. Hann var síð­ast fram­kvæmda­stjóri Straums sjóða hf. en hann hóf störf hjá Straumi 1. ágúst í fyrra. Þar áður var hann fram­kvæmda­stjóri Lands­bréfa frá árinu 2012 þegar hann hætti sem for­stöðu­maður sér­hæfðra fjár­fest­inga hjá Stefni hf., sjóð­stýr­ing­ar­fyr­ir­tæki í eigu Arion banka.

Íslensk verð­bréf er sér­hæft eigna­stýr­ing­ar­fyr­ir­tæki. Félagið var stofnað árið 1987 og starfs­menn fyr­ir­tæk­is­ins eru 20 tals­ins. Félagið er með yfir 100 millj­arða króna í eigna­stýr­ingu og er með skrif­stofu á Akur­eyri og í Reykja­vík

Straumur fjár­fest­inga­banki eign­að­ist meiri­hluta í Íslenskum verð­bréfum í lok síð­asta árs. Fyrr í þess­ari viku var svo til­kynnt um að sam­komu­lag hefði náðst milli MP banka og Straums um sam­runa bank­anna með fyr­ir­vara um nið­ur­stöðu áreið­an­leikakann­anam sam­þykki hlut­hafa­funda og eft­ir­lits­að­ila.

Í til­kynn­ingu frá Íslenskum verð­bréfum vegna ráðn­ingar Sig­þórs segir m.a. : "Sam­hliða ráðn­ingu Sig­þórs hefur verið gengið frá því að Sveinn Torfi Páls­son starfi við hlið hans sem aðstoð­ar­fram­kvæmda­stjóri Íslenskra verð­bréfa hf. Sveinn Torfi hefur starfað hjá félag­inu frá árinu 1993 og gegnt starfi fram­kvæmda­stjóra frá því í sept­em­ber 2013."

Haft er eftir Sig­þóri að „starf­semi Íslenskra verð­bréfa hefur verið afar far­sæl og í föstum skorðum á und­an­förnum árum. Á því er engin breyt­ing fyr­ir­huguð enda þótt með ráðn­ingu minni sé jafn­framt horft til nýrra verk­efna og sam­eig­in­legrar fram­tíð­ar­sýnar Íslenskra verð­bréfa, starfs­manna og hlut­hafa þess. Það er ánægju­legt að vera kom­inn til félags­ins og ég hlakka til sam­starfs­ins við það góða starfs­fólk og þá traustu við­skipta­vini sem eru innan veggja Íslenskra verð­bréfa."