Síma­fé­lögin vinna nú í sam­ein­ingu að því að greina orsakir þess að sím­töl náðu ekki til Neyð­ar­lín­unnar síð­ast­lið­inn laug­ar­dag. Þetta kemur fram í frétta­til­kynn­ingu frá Neyð­ar­lín­unni.

Þar seg­ir: „Neyð­ar­línan hefur sl. sól­ar­hring farið yfir gögn úr síma- og tölvu­kerfum sínum og jafn­framt átt fundi með fjar­skipta­fé­lögum til að greina ástæður þess að á tíma­bil­inu frá kl. 8.45 til 9.58 sl. laug­ar­dag voru mörg dæmi þess að sím­svari segði „þetta númer er ekki til“ þetta voru röng skil­boð úr kerfum síma­fé­lag­ana en um var að ræða að allar teng­ingar voru yfir­fullar vegna álags. Félögin vinna nú í sam­ein­ingu að því að greina orsakir þessa og að tryggja að þetta ástand end­ur­taki sig ekki.“

Þá segir í frétta­til­kynn­ing­unni að ekk­ert hafi komið fram sem bendi til bil­unar í bún­aði Neyð­ar­lín­unn­ar, eftir yfir­ferð gagna.

„Nið­ur­stöður yfir­ferð­ar­innar gefa hins vegar til­efni til að end­ur­meta við­búnað 112; afkasta­getu teng­inga við síma­fé­lög­in, mögu­lega for­gangs­röðun eftir eðli erinda og sér­staka við­bragðs­á­ætlun ef aðstæður sem þessar skap­ast aft­ur. Á sama tíma þurfa við­bragðs­að­ilar að taka þátt í að skerpa verk­lag við grein­ingu og úrvinnslu erinda.“

Í óveðr­inu á laug­ar­dag varð meira álag á neyð­ar­sím­þjón­ustu 112 en áður hefur gerst. Um 1400 sím­töl voru afgreidd á tíma­bil­inu frá klukkan átta um morg­un­inn og til hádeg­is. Þegar mest lét reyndu yfir 500 að hringja á sama tíma.

„Þessi reynsla er dýr­mæt og verður nýtt til að efla við­bragðs­kerfið öllum til hags­bóta,“ segir að lokum í til­kynn­ing­unni frá Neyð­ar­lín­unni.