Skoski þjóð­ar­flokk­ur­inn (SNP) nýtur stuðn­ings 54 pró­senta skoskra kjós­enda og mun fá 57 þing­sæti í bresku þing­kosn­ing­unum sem fram fara eftir tíu daga, sam­kvæmt nýrri skoð­ana­könn­un. ­Þing­sæti Skota í West­min­ster, þing­inu í London, eru 59 tals­ins.

Það verða því að­eins tvö þing­sæti til skipt­anna fyrir hina flokk­anna, og Verka­manna­flokk­ur­inn og Frjáls­lyndir demókratar munu fá sitt­hvort sæt­ið, sam­kvæmt könn­un­inni. Aðrir flokkar kom­ast ekki á blað, en í Bret­landi eru ein­menn­ings­kjör­dæmi. Allt útlit er fyrir að Skoski þjóð­ar­flokk­ur­inn verði því mjög áhrifa­mik­ill í breska þing­inu eftir kosn­ing­ar, enda virð­ist ekki lík­legt að neinn flokkur nái meiri­hluta þing­sæta. Sam­kvæmt nýj­ustu könn­unum sem Guar­dian hefur látið gera á lands­vísu fengi Íhalds­flokk­ur­inn 274 sæti og Verka­manna­flokk­ur­inn 270. 326 sæti þarf til að ná meiri­hluta í þing­inu.

Nicola Stur­ge­on, leið­togi Skoska þjóð­ar­flokks­ins. MYND: EPA

Sam­kvæmt könn­un­inni, sem fyr­ir­tækið TNS gerði og skoska sjón­varps­stöðin STV greinir frá, var stuðn­ingur við Verka­manna­flokk­inn 22 pró­sent, við Íhalds­menn 13 pró­sent og stuðn­ingur við Frjáls­lynda demókrata 6 pró­sent. UKIP, breskir þjóð­ern­iss­in­ar, og græn­ingjar, fengju tvö pró­sent hvor.

67 pró­sent aðspurðra sögð­ust vissir um að þeir myndu kjósa í kosn­ing­unum þann 7. maí næst­kom­andi. Það er hærra hlut­fall en mælist að með­al­tali í Bret­landi, þar sem 62 pró­sent eru viss um að nýta kosn­inga­rétt­inn.

„Fleiri og fleiri ein­stak­lingar setja traust sitt á SNP til að láta rödd Skotlands heyr­ast í West­min­ster,“ segir Angus Roberts­son, fram­bjóð­andi SNP. „Þessi könnun bendir einnig til þess að stuðn­ingur við SNP komi frá fólki sem kaus gegn sjálf­stæði í þjóð­ar­at­kvæða­greiðsl­unni sem og þeim sem kusu með sjálf­stæði - þar sem fólk gerir sér grein fyrir því að hópur þing­manna frá SNP mun gera Skotland sterkara í þing­in­u.“ Hann sagði jafn­framt að könn­unum sem þessum væru tekið fagn­andi, en að ekk­ert væri sjálf­gefið og áfram yrði unnið að því að vinna traust kjós­enda um allt land­ið.

Tom Cost­ley, for­stjóri kann­ana­fyr­ir­tæk­is­ins TNS Scotland, segir við STV að Nicola Stur­geon og Skoski þjóð­ar­flokk­ur­inn virð­ist bara verða sterk­ari og sterk­ari. Fólk í Skotlandi virð­ist vera áhuga­sam­ara um stjórn­mál eftir þjóð­ar­at­kvæða­greiðslu um sjálf­stæði síð­ast­liðið haust.