Skýrsla fjár­mála- og efna­hags­ráð­herra um nið­ur­stöður höf­uð­stólslækk­unar verð­tryggðra hús­næð­is­lána, hin svo­kall­aða „Leið­rétt­ing“, sem boðuð var fyrir lok vor­þings, hefur enn ekki verið lögð fram. Kjarn­inn hefur sent fjár­mála- og efna­hags­ráðu­neyt­inu fimm fyr­ir­spurnir um fram­lagn­ingu skýrsl­unn­ar. Sú fyrsta var send í mars og sú síð­asta í lið­inni viku.  Í svörum ráðu­neyt­is­ins við hefur komið fram vinna við skýrsl­una hefði verið langt komin í mars, að hún væri í loka­frá­gangi í byrjun maí og að hún yrði lík­lega birt um miðjan þann mán­uð. Í dag er 20. júní og skýrslan, sem sýnir meðal ann­ars hvernig „Leið­rétt­ing­in“ skipt­ist milli tekju- og ald­urs­hópa og lands­svæða, er enn ekki komin fram. Engar skýr­ingar hafa verið gefnar á þessum töf­um.

Ósvöruð fyr­ir­spurn frá því í nóv­em­ber

Þegar útfærsla á skulda­nið­ur­færslum rík­is­stjórn­ar­innar var kynnt þann 10. nóv­em­ber 2014 í Hörpu var það gert með glæru­kynn­ingu. Í þeirri glæru­kynn­ingu vant­aði mikið af upp­lýs­ingum um skipt­ingu nið­ur­færslu­upp­hæða á milli tekju- og ald­urs­hópa. Það vant­aði líka upp­lýs­ingar um frá­drátt­ar­liði og hvernig upp­hæðin sem rynni úr rík­is­sjóði vegna aðgerð­anna, allt að 80 millj­arðar króna, myndi dreifast á mis­mun­andi lands­svæði.

Í nóv­em­ber í fyrra beindi Katrín Jak­obs­dótt­ir, for­maður Vinstri grænna, fyr­ir­spurn til Bjarna Bene­dikts­son­ar, fjár­mála- og efna­hags­ráð­herra, um nið­ur­færslu á verð­tryggðum fast­eigna­lán­um, hinni svoköll­uðu „Leið­rétt­ing­u“. Fyr­ir­spurnin var í 15 lið­um.

Í svari Bjarna sagði að hann hyggð­ist „leggja fyrir Alþingi ítar­lega skýrslu um nið­ur­stöður höf­uð­stólslækk­unar hús­næð­is­lána þar sem m.a. verður fjallað um þau atriði sem spurt er um í þess­ari fyr­ir­spurn. Skýrslan mun byggj­ast á stöðu úthlut­unar eins og hún verður við lok sam­þykk­is­frests á ráð­stöfun leið­rétt­ing­ar­fjár­hæðar en eins og er vantar of mikið upp á end­an­legar nið­ur­stöður til að skyn­sam­legt sé að draga nægi­lega mark­tækar álykt­anir um þetta mál. Reiknað er með því að skýrslan verði til­búin og kynnt á vor­þing­i."

Skýrslan í loka­frá­gangi vikum saman

Kjarn­inn beindi fyr­ir­spurn til fjár­mála- og efna­hags­ráðu­neyt­is­ins um hvenær skýrslan yrði til­búin og hvenær ráð­herr­ann ætl­aði að kynna hana þann 25. mars síð­ast­lið­inn. Í svari ráðu­neyt­is­ins sagði að vinna við skýrsl­una væri langt komin en að ekki væri komin kynn­ing­ar­dag­setn­ing. Þó stæði enn til að kynna hana á vor­þingi.

Áætluð þing­lok vor­þings sam­kvæmt starfs­á­ætlun Alþingis voru 29. maí. Þegar ekk­ert bólaði á skýrsl­unni um nið­ur­færsl­una á verð­tryggðu hús­næð­is­lán­unum í byrjun maí sendi Kjarn­inn ítrek­aða fyr­ir­spurn um málið til fjár­mála- og efna­hags­ráðu­neyt­is­ins. Sam­kvæmt svörum þess, sem bár­ust 7. maí, var vinna við skýrsl­una á loka­stígi og von­ast var til að hægt yrði að leggja hana fram bráð­lega. Ekki væri ólík­legt að það yrði í næstu viku á eft­ir, vik­unni 11-17 maí.

Af því varð ekki og þann 21. maí sendi Kjarn­inn enn eina fyr­ir­spurn­ina um skýrsl­una. Þá feng­ust þau svör að hún væri í loka­yf­ir­ferð í ráðu­neyt­inu og að skýrslan yrði lögð fram fljót­lega. Þann 1. júní, eftir að áætluð þing­lok vor­þings voru lið­in, spurð­ist Kjarn­inn aftur fyrir um skýrsl­una og fékk þá þau svö að hún væri enn í loka­frá­gangi. Von­andi væri hins vegar hægt að láta vita eftir hádegið þann dag hvenær fram­lagn­ing hennar yrði. Af því varð ekki.

Sama dag, 1. júní, spurði Bjarkey Olsen Gunn­ars­dótt­ir, þing­maður Vinstri grænna, fjár­mála- og efna­hahags­ráð­herra út í málið á Alþingi. Þar svar­aði ráð­herr­ann því til að verið væri að vinna að því að taka saman skýrsl­una. „Ég á eftir að fá end­an­legt svar við því hvort það þurfi að bíða eftir álagn­ingu rík­is­skatt­stjóra, en ég hygg að við séum með betri upp­lýs­ingar núna en ég hafði á þeim tíma sem fyr­ir­spurn­irnar bár­ust þing­in­u,“ sagði Bjarni. Álagn­ing rík­is­skatt­stjóra berst ekki fyrr en síð­sum­ars og því ljóst að fram­lagn­ing skýrsl­unar myndi frest­ast fram á haust­þing ef hennar yrði beð­ið.

Þann 16. júní, síð­ast­lið­inn þriðju­dag, sendi Kjarn­inn fimmtu fyr­ir­spurn sína um málið frá því í mars. Í svörum fjár­mála- og efna­hags­ráðu­neyt­is­ins kom fram að fast­lega væri gert ráð fyrir að skýrslan myndi skila sér í vik­unni. Það hefur hún ekki gert.

Vert er þó að taka fram að vor­þingið fram­lengd­ist umtals­vert yfir áætl­aðan þing­loka­dag og þing­störf standa enn yfir. Því er ekki loku fyrir það skotið að skýrslan verði lögð fram áður en vor­þingi lýk­ur, líkt og Bjarni Bene­dikts­sonar reikn­aði með að yrði gert þegar hann svar­aði fyr­ir­spurn Katrínar Jak­obs­dóttur í des­em­ber 2014.