Grein­ing Íslands­banka spáir því að pen­inga­stefnu­nefnd Seðla­banka Íslands muni lækka stýri­vexti bank­ans um 0,25 pró­sentu­stig á næsta vaxta­á­kvörð­un­ar­fundi, sem fer fram 4. febr­ú­ar. Stýri­vextir eru nú 5,25 pró­sent en lækka í 5 pró­sent, gangi spáin eft­ir. „Helstu rök nefnd­ar­innar fyrir lækkun stýri­vaxta er þau, að verða að okkar mati þau að ný verð­bólgu­spá bank­ans bendi til þess að verð­bólgan verði tals­vert undir þeirra síð­ustu spá sem birt var í nóv­em­ber sl. og að sam­kvæmt nýrri spá verður verð­bólgan undir verð­bólgu­mark­miði bank­ans fram á næsta ár. Verð­bólgan hefur nú verið undir verð­bólgu­mark­mið­inu í heilt ár og fór hún undir neðri frá­viks­mörk verð­bólgu­mark­miðs­ins í des­em­ber sl. Við reiknum með því að við­bún­aður nefnd­ar­innar við þeirri hættu að kom­andi kjara­samn­ingar fari úr bönd­unum og ógn­i verð­bólgu­mark­mið­inu verði í febr­úar verði aðal­lega sá að útskýra vel að slík þróun myndi kalla á vaxta­hækk­an­ir,“ segir í morg­un­korni grein­ing­ar­inn­ar.

Verð­bólga mælist nú 0,8 pró­sent, tölu­vert undir 2,5 pró­sent verð­bólgu­mark­mið­inu. Flestar spár gera ráð fyrir að verð­bólga hald­ist undir mark­mið­inu út þetta ár hið minnsta. Óvissa er þó um hver áhrifin verða af rýmkun eða afnámi fjár­magns­hafta, en Bjarni Bene­dikts­son, fjár­mála- og efna­hags­ráð­herra, og Már Guð­munds­son, seðla­banka­stjóri, hafa sagt að útgangs­punkt­ur­inn í vinn­unni sem snýr að afnámi hafta sé að vernda efna­hags­legan stöð­ug­leika, með almanna­hags­muni að leið­ar­ljósi.