„Við spáum að pen­inga­stefnu­nefnd haldi stýri­vöxtum óbreyttum að sinni en næsti vaxta­á­kvörð­un­ar­fundur verður hald­inn 18. mars nk. Veiga­mestu rökin fyrir að halda vöxtum óbreyttum eru ann­ars vegar þau að verð­bólgu­vænt­ingar hafa hækkað nokkuð frá síð­asta fundi pen­inga­stefnu­nefndar og hins vegar að veru­leg óvissa er varð­andi launa­þróun næstu miss­er­i.“ Þetta segir í nýrri spá frá grein­ing­ar­deild Arion banka. Stýri­vextir eru nú 5,25 pró­ent, en í spánni segir að ­Pen­inga­stefnu­nefndin hafi gefið það í skyn í síð­ustu fund­ar­gerð að rétt væri að staldra við þar til efna­hags­horfur færu að skýr­ast einkum varð­andi launa­þró­un.

Hag­vaxt­ar­tölur í takt við vænt­ingar

Hag­stofan birti í vik­unni tölur um lands­fram­leiðsl­una á síð­asta árs­fjórð­ungi 2014 og eru þar með komnar bráða­birgða­tölur um hag­vöxt fyrir árið í heild. Hag­vöxtur árs­ins nam 1,9 pró­sent og er í takt við það sem pen­inga­stefnu­nefnd gerði ráð fyrir í síð­ustu fund­ar­gerð, en upp­færð spá Seðla­bank­ans gerði ráð fyrir tvö pró­sent hag­vexti á árinu. Tölur fyrir þriðja árs­fjórð­ung voru færðar tals­vert upp á við eins og búist var við, eða úr 0,2 pró­sent sam­drætti í 1,7 vöxt, segir í umfjöllun grein­ing­ar­deild­ar­inn­ar. „Í heild sinni teljum við að töl­urnar séu í takt við vænt­ingar og hafi því ekki afger­andi áhrif á næstu vaxta­á­kvörð­un,“ segir í umfjöl­un­inni.

„Leiða má líkur að því að pen­inga­stefnu­nefnd sitji föst á sínu og haldi vöxtum óbreyttum þar til frek­ari nið­ur­staða kjara­samn­inga liggur fyr­ir. Að minnsta kosti munu vextir ekki lækka þegar verð­bólgu­vænt­ingar fara vax­andi og algjör óvissa er um hver launa­þróun verður næstu miss­eri. Við spáum því óbreyttum stýri­vöxtum um sinn og teljum lík­legt að vextir hald­ist óbreyttir þar til skýr­ast fer hvert stefnir í kjara­við­ræð­u­m,“ segir í umfjöll­un­inni.

Er þar meðal ann­ars vitnað orð­rétt í orða­lag, í fund­ar­gerð Pen­inga­stefnu­nefnd­ar, þar sem seg­ir; „...var nefndin sam­mála um að rétt væri að staldra við uns efna­hags­horfur skýrð­ust frekar, einkum varð­andi launa­þró­un.“

Staðan á vinnu­mark­aði er tví­sýn um þessar mund­ir, svo ekki sé fastar að orði kveð­ið, en við­ræðum Starfs­greina­sam­bands­ins (SGS) og SA hefur verið slit­ið, og er búist við að verk­föll að hálfu SGS geti haf­ist í kringum 10. apr­íl, eða helg­ina eftir páska.