Starfs­maður MP banka sem grun­aður er um mis­ferli í starfi er kona sem vann í bak­vinnslu í lána­um­sýslu bank­ans. Hún er grunuð um að hafa dregið sér fé. Sam­kvæmt heim­ildum Kjarn­ans er upp­hæðin nokkrar millj­ónir króna.

Starfs­mönnum MP banka var til­kynnt um málið á starfs­manna­fundi í gær en kon­unni var sam­stundis vikið frá störfum þegar hin meinti fjá­dráttur upp­götv­að­ist.

Í Frétta­blað­inu í dag er sagt að málið hafi komið upp þegar afleys­ing­ar­starfs­manður rakst á að upp­gjör innan MP banka stemmdu ekki. Sá gerði stjórn­endum bank­ans við­vart um að ekki væri allt með felldu.

MP banki sendi frá sér frétta­til­kynn­ingu í gær­kvöldi þar sagði að starfs­manni hefði verið sagt upp störfum vegna gruns um mis­ferli í starfi.

Þar sagði einnig að meint brot starfs­manns­ins hafi upp­götvast við innra eft­ir­lit og verið til­kynnt til lög­reglu. Málið sé litið alvar­legum augum innan bank­ans en þar er ítrekað að meint brot snúi ekki að fjár­munum við­skipta­vina bank­ans. Þá séu áhrifin af meintu mis­ferli á bank­ann hverf­andi með hlið­sjón af stærð hans.

MP banki vill ekki greina frekar frá mál­inu á meðan lög­regla hefur það til rann­sókn­ar.