Í ályktun starfs­manna­fundar Efl­ing­ar, sem sam­þykkt var síð­ast­lið­inn föstu­dag og send til stjórn­enda stétt­ar­fé­lags­ins, segir að starfs­menn telji ósann­gjarnt að stjórn­endur velti ábyrgð á inn­an­hús­málum yfir á starfs­fólk Efl­ing­ar. Ástæða hafi verið fyrir ályktun sem sam­þykkt var af starfs­fólki Efl­ingar í júní síð­ast­liðnum þar sem for­maður Efl­ing­ar, Sól­veig Anna Jóns­dótt­ir, var meðal ann­ars ásökuð um að halda aftöku­lista og um að fremja kjara­samn­ings­brot gegn starfs­fólki með fyr­ir­vara­lausum upp­sögn­um. Starfs­fólkið óskaði eftir því að stjórn­endur Efl­ingar myndu bregð­ast við álykt­un­inni frá því í júní. „Við gerum kröfur á stjórn­endur að þau við­ur­kenni, taki ábyrgð á og leysi vand­ann. Innan mán­aðar óskum við eftir því að halda annan starfs­manna­fund án stjórn­enda.“

Eftir að þessi ályktun starfs­fólks lá fyrir ákváðu bæði Sól­veig Anna og Viðar Þor­steins­son, fram­kvæmda­stjóri Efl­ing­ar, að segja af sér.

Sól­veig Anna bauð upp á tvo kosti

For­saga máls­ins er sú að í júní sam­þykktu starfs­menn Efl­ingar ályktun sem hefur ekki verið birt opin­ber­lega. Í henni voru stjórn­endur stétt­ar­fé­lags­ins gagn­rýndir með ýmsum hætti fyrir fram­komu sína gagn­vart starfs­fólki. Trún­að­ar­menn starfs­manna und­ir­rit­uðu álykt­un­ina og hún var sett fram fyrir hönd starfs­manna. 

Á fimmtu­dag birti RÚV svo við­tal við Guð­mund Bald­urs­son, stjórn­ar­mann í Efl­ingu, þar sem hann greindi frá því að hann hefði ítrekað reynt að fá álykt­un­ina afhenta og að hann hefði áhyggjur af fram­komu stjórn­enda Efl­ingar gagn­vart starfs­fólki. Tal­aði hann meðal ann­ars um að starfs­fólk sem hefði hætt hjá Efl­ingu hefði talið sér „að ein­hverju leyti ógnað innan gæsalappa, af ógn­ar­stjórn.“

Dag­inn eftir að fréttin birtist, föstu­dag­inn 29. októ­ber, ákvað Sól­veig Anna að ávarpa starfs­fólk í upp­hafi vinnu­dags.

Í stöðu­upp­færslu sem hún birti á Face­book í gær sagði hún: „Ég sagði við starfs­fólk á þessum fundi að það væru tveir kostir í stöð­unni. Annað hvort kæmi eitt­hvað skrif­legt frá þeim sem myndi bera til baka ofstæk­is­fullar lýs­ingar úr ályktun trún­að­ar­manna og orð sem frétta­maður not­aði um „ógn­ar­stjórn“, eða að ég myndi segja af mér for­mennsku í félag­inu. Það var ekki auð­veld ákvörðun fyrir mig að stilla þessu upp svona en það er að mínu mati óhjá­kvæmi­legt. Starf mitt með félags­fólki Efl­ing­ar, sem er rétt­læt­is­bar­átta varð­andi kjör og aðstæður verka­fólks á vinnu­stöð­um, hefur ekki trú­verð­ug­leika ef trún­að­ar­menn starfs­fólks Efl­ingar eru til­búnir að full­yrða að ég reki hér vinnu­stað jafn slæman eða verri en þeir sem við höfum sjálf gagn­rýnt.“

Ástæða fyrir upp­haf­legu álykt­un­inni

Sól­veig Anna sagð­ist enn fremur aldrei geta borið þessar ásak­anir til baka sjálf. Ein­ungis starfs­menn gætu kveðið upp dóm um rétt­mæti þeirra. Hún hafi í kjöl­farið vikið af fund­inum og starfs­menn tekið sér tíma fram yfir hádegi til að ræða sam­an. Nið­ur­staða þess sam­tals hafi verið ályktun þess efnis að starfs­menn teldu það  ósann­gjarnt að stjórn­endur velti ábyrgð á þessum inn­an­hús­málum á starfs­fólk­ið. 

Í álykt­un­inni, sem Kjarn­inn hefur undir hönd­um, segir orð­rétt: „Við lýsum því yfir að ástæða hafi verið fyrir upp­haf­legu álykt­un­inni og óskum enn eftir að stjórn­endur bregð­ist við henni. Við gerum kröfur á stjórn­endur að þau við­ur­kenni, taki ábyrgð á og leysi vand­ann. Innan mán­aðar óskum við eftir því að halda annan starfs­manna­fund án stjórn­enda.

Starfs­fólk Efl­ingar fer fram á að reglu­legir starfs­manna­fund­ir, með og án við­veru stjórn­enda, verði haldnir fram­veg­is, og reglu­legir fundir trún­að­ar­manna með stjórn­endum verði settir á lagg­irn­ar. Skiln­ingur verði veittur á því að stór hluti starfs­manna hafi fundið og/eða finni til óör­yggis í starfi og að það verði ekki leyst án opins sam­tals innan vinnu­stað­ar­ins.“

For­maður og fram­kvæmda­stjóri hætta

Þessi nið­ur­staða gerði það að verkum að Sól­veig Anna til­kynnti stjórn Efl­ingar um afsögn sína um helg­ina. Viðar Þor­steins­son, fram­kvæmda­stjóri Efl­ing­ar, stað­festi það svo við Kjarn­ann í morgun að hann myndi fylgja henni út úr félag­inu og afhenda upp­sagn­ar­bréf síðar í dag. 

Viðar var ráð­inn í þá nýtt starf fram­­kvæmda­­stjóra Efl­ingar í maí 2018, í kjöl­far þess að Sól­­veig Anna var kjörin for­­maður stétt­­ar­­fé­lags­ins, sem er það næst fjöl­­menn­asta á land­inu. Hann hefur alla tíð unnið náið og í takti með for­­mann­in­­um. 

Í stöðu­upp­færslu Sól­veigar Önnu sagði að henni þætti það „ótrú­­­legt að það sé starfs­­­fólk Efl­ingar sem í reynd hrekur mig úr starfi, með því að leyfa and­­­stæð­ingum félags­­­ins að hossa sér á ýkj­um, lygum og rang­­­færslum um mig og sam­verka­­­fólk mitt. Starfs­­­fólk Efl­ingar hefur kosið að svipta mig því vopni sem hefur gert mér mög­u­­­legt að leiða sög­u­­­lega og árang­­­ur­s­­­ríka bar­áttu verka- og lág­­­launa­­­fólks síð­­­­­ustu ár, mann­orði mínu og trú­verð­ug­­­leika.“