Startup Reykja­vík við­skipta­hrað­all­inn er nú far­inn af stað í fjórða sinn og hefur verið opnað fyrir umsóknir fyr­ir­tækja sem vilja taka þátt í vinn­unni í sum­ar. Mark­miðið með Startup Reykja­vík er að skapa umgjörð fyr­ir­ ung sprota­fyr­ir­tæki til að ýta hug­myndum sínum úr vör.

Umsókn­ar­frest­ur­inn er til 6. apríl næst­kom­andi og þá tekur dóm­nefnd við umsóknum og metur hvaða verk­efni eiga heima í Startup Reykja­vík í ár. Hægt er að sækja um hér.

https://www.youtu­be.com/watch?v=o07yb5A­SJqU

Gert er ráð fyrir að opnuð verði vinnu­smiðja þegar umsókna­ferl­inu lýk­ur, þar sem dóm­nefndin fær tæki­færi til að kynn­ast verk­efn­unum bet­ur. Að lokum verða valdar tíu hug­myndir sem fá tveggja milljón króna fjár­fest­ingu hver og njóta ráð­gjafar og leið­sagnar í sum­ar.

Fyr­ir­tækin sem valin verða fá svo aðgang að skrif­stofu­rými í tíu vikur í sum­ar, frá og með 15. júní til 28. ágúst þegar fjár­festa­dag­ur­inn svo­kall­aði er hald­inn. Þar kynna aðstendur verk­efn­anna fyr­ir­tækin sín fyrir fjár­fest­um.

Síðan við­skipta­hrað­all­inn var fyrst hald­inn árið 2012 hefur verið fjár­fest í 30 sprota­fyr­ir­tækj­um. Arion Banki hefur alltaf lagt til hluta­féið og gerir það líka í ár, gegn 6 pró­sent eign­ar­hlut í fyr­ir­tækj­un­um.

Allar nán­ari upp­lýs­ingar og umsókn­ar­eyðu­blöð má finna á startu­preykja­vik.com.