Stein­grímur J. Sig­fús­son, fyrrum fjár­mála­ráð­herra, hafnar því alfarið að hafa brotið lög þegar hlutir rík­is­ins í Arion banka og Íslands­banka voru fram­seldir til slita­búa Kaup­þings og Glitnis síðla árs 2009. Í umsögn Jóns Gunn­ars Jóns­son­ar, for­stjóra Banka­sýslu rík­is­ins, um frum­varp fjár­mála- og efna­hags­ráð­herra til laga um með­ferð og sölu á eign­ar­hlutum rík­is­ins í fjár­mála­fyr­ir­tækj­um, sem skilað var inn í gær, segir að sam­kvæmt áliti Rík­is­end­ur­skoð­unar hefði þurft að afla heim­ildar í fjár­lögum fyrir árið 2010 fyrir henni. Það var ekki gert enda voru samn­ingar um fram­salið gerðir ann­ars vegar 3. sept­em­ber og hins vegar 15. októ­ber 2009. Fjár­lög voru hins vegar ekki sam­þykkt á Alþingi fyrr en 22. des­em­ber sama ár, eða rúmum tveimur mán­uðum eftir síð­ari samn­ing­inn. Frá þessu var greint í Morg­un­blað­inu í morg­un.

Stein­grímur segir að þegar lesið er beint það sem standi í umsögn­inni þá sé ekki verið að orða lög­brot. Það sé bara upp­sláttur Morg­un­blaðs­ins. „Það kemur líka fram í umsögn­inni að ekki hafi verið gengið frá fram­sali á eign­ar­hlut­unum fyrr en í des­em­ber­lok 2009 og í jan­úar 2010. Þá voru komin lög sem heim­ila þetta alveg sér­stak­lega. Það var afstaða ráðu­neyt­is­ins að þar sem ekki stæði til að ríkið væri ekki að fá borg­aðan út hlut­inn sem þeir settu inn í bank­ana þá þyrfti ekki sjálf­stæða laga­heim­ild fyrir því. Þá dyggðu heim­ildir neyð­ar­lag­anna. Ég fæ ekki betur séð en að í grein­ar­gerð frum­varps­ins sem fylgir frum­varpi Bjarna [Bene­dikts­son­ar, fjár­mála- og efna­hags­ráð­herra]um breyt­ingar á þessum lögum að ráðu­neytið sé enn þess­arar skoð­un­ar.“

Stein­grímur segir Rík­is­end­ur­skoðun ekki hafa talað beint um sölu heldur ráð­stöfun eigna í áliti sínu. „Það getur vel verið að þetta sé í ein­hverjum skiln­ingi fjár­reiðu­laga ráð­stöf­un, þegar samn­ing­arnir um bank­ana voru gerð­ir. Þá var skyn­sam­legt til að taka af allan vafa heim­ild fyrir því að þessir samn­ingar yrði full­gild­ir. Þeirra var aflað og þau lög voru sam­þykkt í des­em­ber 2009 áður en þessi eig­in­lega yfir­færsla átti sér stað. Deilan um það hvort það þurfti sér­staka laga­heim­ild eða ekki var aldrei útkljað vegna þess að það reyndi aldrei á það. Það var engin mót­staða gegn því í þing­inu að hafa þetta alveg öruggt með sér­lög­um. Það var því afgreitt frum­varp á Alþingi í des­em­ber 2009 þar sem nið­ur­staðan um samn­ing­anna um bank­ana var stað­fest.“