Stúka sem nota átti á Smáþjóðaleikunum kemur ekki í tæka tíð

img_0094.jpg
Auglýsing

Fimm hundruð og sjötíu manna færanleg áhorfendastúka, sem meðal annars átti að nota á Smáþjóðaleikunum, kemst ekki til landsins frá Kína í tæka tíð. Íþróttabandalag Reykjavíkur (ÍBR) pantaði stúkuna í marsmánuði til að eiga til taks og útleigu fyrir stærri íþróttaviðburði, en knattspyrnufélagið Fram átti að fá hluta hennar að láni vegna heimaleikja meistaraflokka liðsins í Úlfarsárdal.

Sextándu Smáþjóðaleikarnir, sem nú fara fram á Íslandi, verða formlega settir í næstu viku og munu standa dagana 1. til 6. júní næstkomandi. Til stóð að nota hluta stúkunnar við keppni í fimleikum í húsnæði Ármanns í Laugardalnum. Óskar Örn Guðbrandsson, verkefnastjóri Smáþjóðaleikanna hjá Íþrótta- og Ólympíusamandi Íslands, segir að brugðist hafi verið við stöðunni sem upp sé kominn, og seinkun stúkunnar muni ekki setja strik í reikninginn varðandi framkvæmd fimleikakeppninnar.

Framarar neyðst til að færa heimaleiki sína í Laugardalinn


Þá hafði knattspyrnufélaginu Fram verið lofað hluta stúkunnar, eða um fjögur hundruð sæti, fyrir heimaleiki liðsins í meistaraflokki, til að standast kröfur Knattspyrnusambands Íslands um aðstöðu áhorfenda. Vegna tafa við afhendingu stúkunnar hefur félagið neyðst til að flytja heimaleiki sína yfir á Laugardalsvöll. Sverrir Einarsson, formaður knattspyrnudeildar Fram, segir að vonir standi til að hluti stúkunnar verði kominn í gagnið fyrir heimaleik meistaraflokks karla í fyrstu deild, gegn HK, sem fram fer 2. júlí næstkomandi. Samkvæmt heimildum Kjarnans hefur dráttur á afhendingu stúkunnar valdið Frömurum töluverðum óþægindum.

Frímann Ari Ferdinandsson, framkvæmdastjóri ÍBR, segir í samtali við Kjarnann að kostnaður við kaup og flutning stúkunnar hljóði upp á um ellefu milljónir króna. Hann harmar að stúkan hafi ekki komist til landsins í tæka tíð fyrir heimaleiki Fram, en til stóð að nota stúkuna á Smáþjóðaleikunum ámilli leikja liðsins. Hann segir að áætlað sé að stúkan komi til landsins þann 16. júní næstkomandi og svo muni starfsmaður frá fyrirtækinu í Kína koma til landsins í lok júnímánaðar til að leiðbeina um uppsetningu hennar.

Auglýsing

Hann segir að stúkan hafi verið staðsett í Grikklandi þegar síðast fréttist, en rekja megi tafir á komu hennar til landsins meðal annars til tafa hjá framleiðslufyrirtækinu í Kína, sem og seinagangs hjá kínverskum tollayfirvöldum við að afgreiða hana úr landi.

 

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Steinar Frímannsson
Einkarekstur í forgrunni – Umhverfisstefna Sjálfstæðisflokksins
Kjarninn 19. september 2021
Magnús Gottfreðsson, prófessor við læknadeild Háskóla Íslands.
Segir gæði vísindastarfs á Landspítala hafa hrakað á síðustu árum
Prófessor við læknadeild Háskóla Íslands segir að öfugþróun hafi átt sér stað í vísindastarfi á Landspítala eftir að hann var gerður að háskólasjúkrahúsi árið 2000, og að ekkert skilgreint fjármagn hafi fengist til að sinna því.
Kjarninn 19. september 2021
Jean-Rémi Chareyre
VG og loftslagsmálin: Að hugsa lengra en þjóðarnefið nær
Kjarninn 19. september 2021
Árni Stefán Árnason
Dýravernd í aðdraganda alþingiskosninganna 2021 – Hluti I
Kjarninn 19. september 2021
Bjarni Jónsson
Stjórnmálaflokkarnir og dánaraðstoð
Kjarninn 19. september 2021
Soffía Sigurðardóttir
Samvinna til árangurs
Kjarninn 19. september 2021
Lesendum Morgunblaðsins og Fréttablaðsins fækkað um 20 prósent frá miðju ári 2019
Lestur Fréttablaðsins hefur helmingast á rúmum áratug og minnkað um 20 prósent frá því nýir eigendur keyptu blaðið um mitt ár 2019. Þróun á lesendahópi Morgunblaðsins er nánast sú sama. Mikið tap er á rekstri beggja dagblaða.
Kjarninn 19. september 2021
Jón Ormur Halldórsson
Pólitíska miðjan hennar Merkel
Kjarninn 19. september 2021
Meira úr sama flokkiInnlent
None