Stjórn og eig­endur Strætó, það er sveit­ar­fé­lögin Reykja­vík­ur­borg, Kópa­vogs­bær, Hafn­ar­fjarð­ar­bær, Garða­bær, Mos­fells­bær og Sel­tjarn­ar­nes­kaup­stað­ur, ætla að funda í hádeg­inu til að fara yfir atvikið sem kom upp í gær þegar átján ára þroska­skert stúlka gleymd­ist í bíl Ferða­þjón­ustu fatl­aðra í sex klukku­stund­ir.

Þar stendur til að skipa bráða­birgða­stjórn yfir Ferða­þjón­ustu fatl­aðra undir for­mennsku Stef­áns Eiríks­son­ar, sviðs­stjóra vel­ferð­ar­sviðs Reykja­vík­ur­borg­ar. Þetta var ákveðið á fundi í morg­un, sem Dagur B. Egg­erts­son boð­aði til, en hann sátu meðal ann­ars odd­vitar stjórn­mála­flokk­anna í borg­ar­stjórn ásamt for­manni og vara­for­manni stjórnar Strætó.

„At­burðir gær­dags­ins hjá ferða­þjón­ustu fatl­aðra eru litnir grafal­var­legum augum hjá aðild­ar­sveit­ar­fé­lögum Strætó,“ segir Dagur B. Egg­erts­son borg­ar­stjóri í sam­tali við Kjarn­ann.

Biður fjöl­skyldu Ólafar afsök­unar

„Þetta er hræði­legt atvik og bara óskilj­an­legt að þetta skyldi hafa komið upp og ég vil biðja fjöl­skyldu Ólafar og hana sjálfa inni­lega afsök­un­ar,“ segir Kristín Soffía Jóns­dóttir borg­ar­full­trúi Sam­fylk­ing­ar­innar og vara­for­maður stjórnar Strætó í sam­tali við Kjarn­ann. „Nú verður farið yfir alla verk­ferla, skoðað hvernig þetta gat komið upp og komið í veg fyrir að þetta geti gerst aft­ur. Svo verður skoðað hvort brota­lömin sem virð­ist vera í Ferða­þjón­ustu fatl­aðra sé slík að hún kalli á rót­tækar aðgerð­ir.“

Bergur Þorri Benja­míns­son, vara­for­maður Sjálfs­bjarg­ar, sagði í fréttum RÚV í morgun að sveit­ar­stjórnir hafi ekki hlustað á við­var­anir fyrir ára­mót um að breyt­ingar á ferða­þjón­ustu fatl­aðra væru ekki nógu vel und­ir­bún­ar. „Við getum öll sagt að það fór greini­lega eitt­hvað úrskeiðis við inn­leið­ingu á þessum breyt­ing­um, en það hefur verið mikið álag á starfs­fólk og ég finn líka til með bíl­stjór­an­um. Þetta er hræði­legt óhapp. Við þurfum núna að bregð­ast við og leggj­ast í nafla­skoðun og gera allt sem hægt er til að bæta úr því ástandi sem hefur skap­ast og tryggja að þjón­ustan sé góð fyrir alla og þetta sé við­un­andi starfs­um­hverfi fyrir starfs­fólkið okkar og að við rekum ferða­þjón­ustu á höf­uð­borg­ar­svæð­inu sem við getum verið stolt af. Annað er óásætt­an­leg­t,“ segir Kristín Soff­ía.

Stjórnin ætlar ekki að stíga til hliðar

Hún segir það ekki hafa komið til tals innan stjórn­ar­innar að hún axli ábyrgð á atvik­inu með því að stíga til hlið­ar. „Það hefur ekki verið rætt að við förum frá, enda held ég að það væri ekki endi­lega það besta í stöð­unni. Það kom ný stjórn inn í sum­ar, en þá var vinna við breyt­ingar á ferða­þjón­ust­unni komin af stað. Við lentum í að þurfa að skipta um fram­kvæmda­stjóra á svip­uðum tíma og ég held að það sé bara nauð­syn­legt núna að nú sé fólk í vinnu við að leysa þetta frekar en að við förum í burt­u.“