Djúpa­vogs­hreppur hefur birt mynd­band á heima­síðu sveit­ar­fé­lags­ins og Youtube þar sem ákvörðun útgerð­ar­fé­lags­ins Vís­is, um að hætta fisk­vinnslu í bæn­um, og við­brögð stjórn­valda í kjöl­farið eru harð­lega gagn­rýnd.

Mark­miðið með gerð mynd­bands­ins, sem unnið var með stuðn­ingi AFLs starfs­greina­fé­lags, er að vekja almenn­ing og stjórn­völd til umhugs­unar um stöðu Djúpa­vogs­hrepps og ágalla fisk­veiði­stjórn­un­ar­kerf­is­ins, sem smærri byggðum lands­ins er gert að búa við, að því er segir í til­kynn­ingu. Þar segir jafn­framt að kerfið vegi með ómann­úð­legum og óvægnum hætti að til­veru fólks í land­inu með stuðn­ingi stjórn­valda. Íbúar Djúpa­vogs­hrepps krefj­ast aðgerða af hálfu stjórn­valda um að tryggja byggð­inni sann­gjarna hlut­deild í hinni sam­eig­in­legu auð­lind.

Mynd­bandið og við­fangs­efni þess fá umfjöllun í Kast­ljósi á RÚV í kvöld en þar verður rætt við Gauta Jóhann­es­son, sveit­ar­stjóra. Í lok mynd­bands­ins birt­ist setn­ing­in: "Deilið þessu mynd­bandi í þágu rétt­lætis og bar­áttu fyrir smærri byggðir í land­in­u."

Heima­menn­irnir Sig­urður Már Dav­íðs­son og Skúli Andr­és­son sáu um vinnslu mynd­bands­ins fyrir Djúpa­vogs­hrepp.