Í síð­asta Kjarn­an­um var sagt frá því að ýmsir aðilar hefðu fengið arð­bær verk­efni tengd skulda­nið­ur­fell­ingu rík­is­stjórn­ar­innar án útboðs. Það er þó ekki ein­ungis rík­is­stjórnin sem hefur valið aðila til að sinna verk­efnum fyrir sig án útboðs á und­an­förnum miss­er­um. Eigna­safn Seðla­banka Íslands, dótt­ur­fé­lag Seðla­bank­ans sem heldur utan um eignir sem hann eign­að­ist eftir hrun­ið, til­kynnti í des­em­ber síð­ast­liðnum að það ætl­aði sér að hefja sölu á verð­tryggðum skulda­bréfum fyrir rúm­lega 100 millj­arða króna. Selja á skulda­bréfin í áföngum á næstu fimm árum.

Um er að ræða sér­tryggð skulda­bréf sem upp­haf­lega voru gefin út af Kaup­þingi en síðar yfir­tekin af Arion banka. Þau eru verð­tryggð með föstum vöxt­um. Arion banki ætl­aði sér upp­haf­lega sjálfur að skrá bréfin á markað en af ein­hverjum ástæðum tókst það ekki. Þei mvar því skilað til ESÍ sem þurfti að „pakka pakk­an­um“.

Það verður gert með því að stofna félög eða fag­fjár­fest­inga­sjóði og leggja þeim til eign með umræddum bréf­um. Þau munu síðan gefa út bréf til ESÍ sem verða skráð í Kaup­höll­inni. Þau bréf verða síðan seld á næstu fimm árum og gert er ráð fyrir að fyrsta salan muni eiga sér stað fyrir næstu mán­að­ar­mót.

Summa ráðin

ESÍ réð félag sem heitir Summa Rekstr­ar­fé­lag til þess að ann­ast stýr­ingu eigna félag­anna sem verða stofnuð og við „önnur tengd verk­efn­i“. Fyrir það mun Summa þiggja þóknun sem ekki liggur fyrir hversu há verð­ur. Það mun fara eftir hvaða verð fæst fyrir umrædd bréf en ljóst að hún verður umtals­verð, enda áætlað virði þeirra yfir 100 millj­arðar króna.

Verk­efnið var ekki boðið út og Summa í raun hand­valin til þess að sinna því vegna sér­þekk­ingar starfs­manna fyr­ir­tæk­is­ins á þeim sér­tryggðu skulda­bréfum sem til stendur að selja. Hjá Summu starfa nefni­lega fjórir menn sem allir gengdu háum stöðum í Kaup­þingi fyrir banka­hrun. Þeir heita Sig­ur­geir Tryggva­son, Har­aldur Óskar Har­alds­son, Hrafn­kell Kára­son og Ómar Örn Tryggva­son. Menn­irnir fjórir eiga líka 34 pró­sent hlut í Summu á móti Íslands­banka. Þeir réðu sig allir til félags­ins í fyrra og eign­uð­ust sam­tímis hlut í því. Þá var nafni félags­ins líka breytt úr rekstr­ar­fé­lagi Byrs í Summu rekstr­ar­fé­lag.

Haukur C. Bene­dikts­son, fram­kvæmda­stjóri ESÍ, sem réð Summu til verks­ins starf­aði einnig í Kaup­þingi með mönn­unum fjórum á árunum 2006 til 2008.