Eig­endur Strætó, sveit­ar­fé­lögin á höf­uð­borg­ar­svæð­inu, þyrftu að leggja félag­inu til um 750 millj­ónir króna auka­lega á árs­grund­velli til þess að félagið gæti ráð­ist í nauð­syn­legar fjár­fest­ingar í vagna­flota og þar með talist í sjálf­bærum rekstri, að sögn Jóhann­esar S. Rún­ars­sonar fram­kvæmda­stjóra Strætó.

Jóhannes segir í sam­tali við Kjarn­ann að þetta sýni grófir útreikn­ingar sem gerðir hafi verið innan fyr­ir­tæk­is­ins.

Á stjórn­ar­fundi Strætó um miðjan mán­uð­inn var bág fjár­hags­staða Strætó til umræðu og þeirri spurn­ingu varpað fram til stjórn­ar­manna, kjör­inna full­trúa í sveit­ar­fé­lög­unum sex sem eiga Strætó, hversu mikið fé sveit­ar­fé­lögin gætu lagt Strætó auka­lega til á þessu ári.

Jóhannes segir að umræður og við­ræður um þetta séu í gangi og að eig­enda­fundur muni fara fram í byrjun sept­em­ber þar sem þessi mál verða rædd frek­ar.

Á þessu ári hefur Strætó þegar fengið fram­lög frá eig­endum greidd fyr­ir­fram, með þeim hætti að í tvö­falt mán­að­ar­legt fram­lag var greitt einn mán­uð­inn, til þess að Strætó hefði hand­bært fé til þess að spila úr. Það þýðir að í raun er búið að greiða fram­lagið sem til stóð að yrði greitt út í des­em­ber­mán­uði til Strætó nú þeg­ar.

Rekstr­ar­tap Strætó var 599 millj­ónir króna á fyrstu sex mán­uðum árs­ins, en áætl­anir gerðu ráð fyrir því að tapið yrði 116 millj­ónir króna. Í árs­hluta­reikn­ingi Strætó segir að lak­ari afkoma skýrist einkum af því að sú tekju­aukn­ing sem fjár­hags­á­ætlun tíma­bils­ins gerði ráð fyrir hafi ekki skilað sér, sem meðal ann­ars megi rekja til áhrifa heims­far­ald­urs­ins.

Far­gjalda­tekj­ur, sem juk­ust þó um 12 pró­sent á milli ára, voru 97 millj­ónum undir áætlun og rekstr­ar­kostn­aður 325 millj­ónum yfir áætl­un, að und­an­skildri Pant akst­urs­þjón­ust­unni.

Hærri rekstr­ar­kostn­aður en gert var ráð fyrir er sagður skýr­ast af því að nið­ur­skurður sem gert var ráð fyrir í upp­hafi árs hafi ekki komið til fram­kvæmda fyrr en í apr­íl, auk þess sem aðfanga­kostn­aður hafi hækkað og yfir­vinna auk­ist.

Undir lok júní var hand­bært fé Strætó 733 millj­ónir króna, en þar af voru 400 millj­ónir króna eyrna­merktar fyr­ir­hug­uðum vagna­kaupum og 347 millj­ónir króna voru fyr­ir­fram­greitt fram­lag eig­enda.

Hvaðan koma tekjur Strætó?

Á árinu 2021 námu tekjur Strætó, fyrir utan tekjur af akst­urs­þjón­ust­unni Pant, 7,28 millj­örðum króna.

Þar af var fram­lag eig­end­anna, sveit­ar­fé­lag­anna sex, tæpir 4,06 milj­arð­ar. Auk þess nam fram­lag rík­is­ins tæpum 1,03 millj­örð­um.

Far­gjalda­tekjur síð­asta árs námu 1,84 millj­örðum og aðrar tekjur fyr­ir­tæk­is­ins 351 milljón króna.

Reykja­vík­ur­borg er langstærsti eig­andi Strætó bs. og á 60,3 pró­sent í fyr­ir­tæk­inu. Kópa­vogs­bær á 14,6 pró­sent, Hafn­ar­fjarð­ar­bær 12,5 pró­sent, Garða­bær 6,24 pró­sent, Mos­fells­bær 4,07 pró­sent og Sel­tjarn­ar­nes­bær 2,29 pró­sent.

Rekstr­ar­fram­lög til fyr­ir­tæk­is­ins eru oft­ast nær greidd í réttu hlut­falli við eign­ar­hlut­inn.

Það þýðir að ef Strætó fengi 750 millj­óna aukin fram­lög á árinu myndi Reykja­vík­ur­borg greiða rúmar 452 millj­ónir af þeirri upp­hæð. Kópa­vogs­bær myndi greiða 109,5 millj­ón­ir, Hafn­ar­fjörður 93,75 millj­ón­ir, Garða­bær 46,8 millj­ón­ir, Mos­fells­bær tæpa 31 milljón og Sel­tjarn­ar­nes­bær rúmar 17 millj­ón­ir.