Pen­inga­stefnu­nefnd Seðla­banka Íslands hefur ákveðið að hækka stýri­vexti bank­ans um 0,25 pró­sentu­stig. Meg­in­vextir bank­ans, vextir á sjö daga bundnum inn­lán­um, verða því 6 pró­sent. Stýri­vext­ir, sem ákvarða fjár­­­magns­­kostnað heim­ila og fyr­ir­tækja, hafa nú verið hækk­­aðir við síð­­­ustu tíu vaxta­á­kvarð­­anir nefnd­­ar­inn­­ar, en þeir voru 0,75 pró­­sent í maí í fyrra.

Í yfir­lýs­ingu pen­inga­stefnu­nefndar segir að verð­bólga hafi auk­ist á ný í októ­ber og mælst 9,4 pró­sent, verð­hækk­anir séu á breiðum grunni og und­ir­liggj­andi verð­bólga hafi áfram auk­ist. Gert er ráð fyrir því að verð­bólgan verði 9,4 pró­sent að með­al­tali núna á síð­asta árs­fjórð­ungi, en að hún taki svo smám saman að hjaðna og verði komin niður í 4,5 pró­sent á síð­asta árs­fjórð­ungi næsta árs.

Þar segir einnig að vís­bend­ingar séu um að kjöl­festa verð­bólgu­vænt­inga í verð­bólgu­mark­miði Seðla­bank­ans hafi veikst, og því gæti tekið lengri tíma en ella að ná verð­bólgu í mark­mið. Að auki hafi gengi krón­unnar lækkað frá því að pen­inga­stefnu­nefnd kom samn í byrjun októ­ber og verð­bólgu­á­lag á skulda­bréfa­mark­aði til lengri tíma hækkað nokk­uð.

„Sam­kvæmt nýrri þjóð­hags­spá Seðla­bank­ans er gert ráð fyrir að hag­vöxtur verði 5,6% í ár. Horfur fyrir næsta ár hafa batnað og nú er spáð 2,8% hag­vexti í stað 1,9% í ágúst. Skýrist það af horfum um hrað­ari vöxt inn­lendrar eft­ir­spurnar en áður var talið. Spenna á vinnu­mark­aði er enn tölu­verð þótt heldur hafi dregið úr henni.

Pen­inga­stefnu­nefnd mun áfram tryggja að taum­hald pen­inga­stefn­unnar sé nægj­an­leg­t til að verð­bólga hjaðni í mark­mið innan ásætt­an­legs tíma. Pen­inga­stefnan mun á næst­unni ráð­ast af þróun efna­hags­um­svifa, verð­bólgu og verð­bólgu­vænt­inga. Ákvarð­anir í atvinnu­lífi, á vinnu­mark­aði og í rík­is­fjár­málum munu skipta miklu um þróun vaxta á næstu miss­erum,“ segir í yfir­lýs­ingu pen­inga­stefnu­nefnd­ar­inn­ar.

Næsta vaxta­á­kvörðun pen­inga­stefnu­nefndar verður í febr­ú­ar.