Þrjú stærstu einka­reknu fjöl­miðla­fyr­ir­tæki lands­ins, Árvak­ur, Sýn og Torg fá hvert um sig tæp­lega 66,8 millj­ónir króna í rekstr­ar­stuðn­ing úr rík­is­sjóði í ár. Alls var 381 milljón króna úthlutað af sér­stakri úthlut­un­ar­nefnd sem skipuð er af Lilju D. Alfreðs­dótt­ur, menn­ing­ar- og við­skipta­ráð­herra, og því fór tæp­lega 53 pró­sent heild­ar­upp­hæð­ar­innar sem úthlutað var í rekstr­ar­styrki til fjöl­miðla til þeirra. 

Upp­hæðin sem stóru fjöl­miðla­fyr­ir­tækin þrjú fengu sam­tals lækk­aði um 44 millj­ónir króna frá því í fyrra þegar þau fengu 62 pró­sent úthlut­aðra styrkja, eða um 14,7 millj­ónir króna hjá hverju þeirra. Ástæður þessa eru þær að heild­ar­pott­ur­inn sem úthlutað var úr lækk­aði um átta millj­ónir króna milli ára, fleiri fjöl­miðla­fyr­ir­tæki sóttu um stuðn­ings­greiðslur nú en í fyrra og sumir aðilar fengu hærri greiðslur nú en áður.

Í ár bár­ust 28 umsóknir um styrk en þremur þeirrra var synjað þar sem þær upp­fylltu ekki öll skil­yrði fyrir rekstr­ar­stuðn­ingi. Því fengu 25 fyr­ir­tæki rekstr­ar­stuðn­ing en í fyrra voru þau 21 tals­ins.

Á meðal þeirra fjöl­miðla­fyr­ir­tækja sem fá styrk nú, en fengu ekki í fyrra, eru Sól­tún, sem heldur úti vefnum Mann­lífi sem er rit­stýrt af Reyni Trausta­syni. Það fyr­ir­tæki fékk 10,5 millj­ónir króna í styrk. Þá fékk Birt­ingur útgáfu­fé­lag, sem gefur meðal ann­ars út Vik­una, styrk upp á 13,2 millj­ónir króna, en félagið sótti ekki um stuðn­ings­greiðslur fyrir lok til­greinds umsókn­ar­frests í fyrra. 

Bænda­sam­tökin bæta við sig 4,4 millj­ónum króna

Sá aðili sem eykur rekstr­ar­stuðn­ing sinn mest milli ára eru Bænda­sam­tök Íslands, sem eru ekki atvinnu­greina­flokkuð sem útgáfu­starf­semi heldur sem hags­muna­sam­tök. Rekstr­ar­stuðn­ing­ur­inn er vegna útgáfu Bænda­blaðs­ins og nemur 16,8 millj­ónum króna nú, sem er 4,4 millj­ónum krónum meira en Bænda­sam­tökin fengu í greiðslur í fyrra.

Rit­stjórn Bænda­blaðs­ins heyrir undir útgáfu- og kynn­ing­ar­svið Bænda­sam­taka Íslands. Á heima­síðu Bænda­sam­tak­anna segir að hlut­verk þeirra sé að vera „málsvari bænda og gæta hags­muna þeirra í hví­vetna“. Meg­in­mark­mið þeirra sé að „beita sér fyrir bættri afkomu bænda, betri rekstr­ar­skil­yrðum í land­bún­aði auk þess að miðla upp­lýs­ingum og sinna fræðslu til sinna félags­manna.“

Bænda­blaðið er sent end­ur­gjalds­laust á öll lög­býli á Íslandi.

Norð­lenska fjöl­miðla­fyr­ir­tækið N4, sem er meðal ann­ars í eigu KEA, Kaup­fé­lags Skag­firð­inga og Síld­ar­vinnsl­unn­ar, fær nú 20,7 millj­ónir króna í styrki eða 1,3 millj­ónum krónum meira en fyr­ir­tækið fékk í fyrra. 

Greiðslur til ýmissa frétta­miðla lækka

Rekstr­ar­stuðn­ing­ur­inn getur að hámarki verið 25 pró­sent af stuðn­ings­hæfum rekstr­ar­kostn­aði umsækj­enda sem upp­fylla ýmis skil­yrði sem sett eru fyrir því að fá greitt úr pott­in­um. Sé sótt um hærri upp­hæð en búið er að gera ráð fyrir að ráð­stafa skerð­ist hlut­fallið af rekstr­ar­kostn­aði sem fæst greitt hjá hverjum og einum umsækj­anda. Í þau skipti sem greiðsl­unum hefur verið úthlutað þá hefur ætið verið sótt um mun hærri upp­hæð en er til skipt­anna.

Sá kostn­aður sem er stuðn­ings­hæfur er kostn­aður við rekstur rit­stjórn­ar. 

Kjarn­inn miðl­ar, útgáfu­fé­lag Kjarn­ans, jók launa­kostnað í fyrra um 35 pró­sent og fjölg­aði árs­verkum úr 6,2 í 9,3 á árinu 2021. Nær öll þessi aukn­ing var vegna fjölg­unar á rit­stjórn mið­ils­ins. Rekstr­ar­stuðn­ing­ur­inn í ár er þó nán­ast nákvæm­lega sá sami í ár og hann var í fyrra, eða 14,5 millj­ónir króna. 

Önnur fjöl­miðla­fyr­ir­tæki en þau sem nefnd hafa verið hér að ofan sem fengu yfir tíu millj­ónir króna í rekstr­ar­styrk eru Myllu­set­ur, útgáfu­fé­lag Við­skipta­blaðs­ins og tengdra miðla, sem fær 25 millj­ónir króna, eða 1,8 millj­ónum krónum minna en í fyrra, og útgáfu­fé­lag Stund­ar­inn­ar, sem fær 22,3 millj­ónir króna, eða þremur millj­ónum minna en í fyrra.

Kjarn­inn er eitt þeirra fjöl­miðla­­fyr­ir­tækja sem nýtur opin­bers rekstr­­ar­­stuðn­­ings.