Stein­grímur J. Sig­fús­son, fyrr­ver­andi for­maður Vinstri grænna sem hætti á þingi í fyrra eftir 38 ára þing­setu, verður for­maður svo­kall­aðs sprett­hóps sem flokks­systir hans, Svan­dís Svav­ars­dóttir mat­væla­ráð­herra hefur skip­að. Hópnum er ætlað að skila Svandísi til­lögum og val­kosta­grein­ingu vegna alvar­legrar stöðu í mat­væla­fram­leiðslu á Íslandi sökum þess að verð á aðföngum til bænda hefur hækkað gríð­ar­lega eftir inn­rás Rússa í Úkra­ín­u. 

Hóp­ur­inn kall­ast sprett­hópur vegna þess að hann á að skila af sér fyrir 13. júní næst­kom­andi, eða eftir tíu daga. Kynna á nið­ur­stöðu vinnu hans fyrir rík­is­stjórn á fundi hennar dag­inn eft­ir, eða 14. júní.

Aðrir í hópnum eru Vig­dís Häsler, fram­kvæmda­stjóri Bænda­sam­taka Íslands og Saga Guð­munds­dótt­ir, sér­fræð­ingur í fjár­mála- og efna­hags­ráðu­neyt­inu. Mat­væla­ráðu­neytið verður hópnum til aðstoð­ar. Hóp­ur­inn skal greina ein­staka val­kosti í stöð­unni. Huga þarf sér­stak­lega að fæðu­ör­yggi, verð­lagi og hags­munum neyt­enda og bænda í þessu sam­heng­i. 

Í til­kynn­ingu á vef stjórn­ar­ráðs­ins vegna þessa segir að litlar líkur séu á því að þær miklu hækk­anir sem orðið hafa á helstu aðföngum mat­væla­fram­leið­enda vegna stríðs­ins muni ganga til baka á næstum mán­uðum og jafn­vel miss­er­um. „Þessi þróun mun, að öllu óbreyttu, kippa stoðum undan rekstri bænda m.a. flestra sauð­fjár- og naut­gripa­búa. Þannig kunni fram­boð á inn­lendri vöru að drag­ast veru­lega saman næstu miss­eri með til­heyr­andi áhrifum á fæðu­ör­yggi. Það liggur fyrir að áhrif inn­rás­ar­innar í Úkra­ínu verða lang­vinn og því ljóst taka verður stöð­una alvar­lega.“