Sak­sókn­arar í Sviss hafa nú til rann­sóknar 53 aðskilin mál þar sem grunur er uppi um pen­inga­þvætti sem teng­ist FIFA. Sviss­neskir bankar létu yfir­völd vita af því að mögu­lega væri verið að brjóta lögin með umfangs­miklum ólögmtum fjár­magns­hreyf­ing­um.

Mich­ael Lauber sak­sókn­ari, segir í við­tali við breska rík­is­út­varpið BBC, sviss­neskir bankar hafi látið yfir­völdum í té mikið magn gagna sem benda til umfangs­mik­illa fjár­magns­hreyf­ingar þar sem mútur og pen­inga­þvætti geta hafa verið und­ir.

Nú þegar hafa yfir­völd í Banda­ríkj­unum ákært fjórtán fyrrum hátt setta yfir­menn hjá FIFA vegna spill­ingar og mútu­greiðslna.

Rann­sóknir yfir­valda, bæði í Sviss og Banda­ríkj­un­um, hafa meðal ann­ars tengst því hvernig staðið var að því velja staði fyrir HM árið 2018 og 2022, sem fara fram í Rúss­landi og Kat­ar.

Lauber segir að nú þegar séu til rann­sóknar 104 fjár­magns­færsl­ur, sem séu flóknar og teng­ist oft mörgum bönkum og reikn­ing­um. Erfitt sé að segja til um hversu lengi rann­sókn mun standa yfir, áður en ákvörðun um sak­sókn verður tek­in, en ljóst sé þó að þetta sé tíma­frek vinna.