Virði 300 þús­und króna lág­marks­launa árið 2018 jafn­gildir um 267 þús­und krónum í dag, verði verð­bólga að jafn­aði 4 pró­sent á ári fram til maí 2018. Raun­hækkun lág­marks­launa sam­kvæmt nýlega und­ir­rit­uðum kjara­samn­ingum VR og Félags atvinnu­rek­enda yrði þá um 25 pró­sent á þessum þremur árum.

Lág­marks­laun, eða svokölluð lág­marks­tekju­trygg­ing, er í dag 214 þús­und krónur á mán­uði. Nýr kjara­samn­ingur hækkar lág­markið strax í 245 þús­und krónur á mán­uði og hækkar síðan ár frá ári þar til það stendur í 300 þús­und krónum í maí 2018.

Seðla­banki Íslands og Sam­tök atvinnu­lífs­ins eru meðal þeirra sem ótt­ast hafa verð­bólgu­skrið hækki launa­taxtar mikið við und­ir­skrift nýrra kjara­samn­inga. Hækkun verð­lags þýðir að raun­virði launa lækk­ar. Með öðrum orðum eru 300 þús­und krónur í dag minna virði í fram­tíð­inni vegna hækk­andi verð­lags.

Í töfl­unni hér að neðan má sjá hvert raun­virði lág­marks­launa er á ári hverju, miðað við mis­háa árlega verð­bólgu. Með lág­marks­trygg­ingu er átt við lægstu mögu­legu lág­marks­laun til greiðslu á mán­uði.

Hald­ist verð­bólga að með­al­tali tvö pró­sent á næstu árum verður virði 300 þús­und króna lág­marks­launa um 282 þús­und krónur á raun­virði dags­ins í dag árið 2018. Verði verð­bólga aftur á móti 5 pró­sent á ári verður virði 300 þús­und króna lág­marks­launa ekki nema um 259 þús­und krónur árið 2018.

Hag­fræði­deild Lands­bank­ans spáir því að verð­bólga verði 4,5 pró­sent að með­al­tali á næstu þremur árum. Í nýjasta hefti Pen­inga­mála, árs­fjórð­ungs­legu riti Seðla­bank­ans, er einnig spáð auk­inni verð­bólgu á kom­andi mán­uðum og árum, ekki síst vegna verð­bólgu­þrýst­ings frá vinnu­mark­aði.