Sam­kvæmt heim­ildum Kjarn­ans hefur emb­ætti rík­is­sak­sókn­ara áfrýjað sýknu­dómi yfir Hann­esi Smára­syni, fyrr­ver­andi stjórn­ar­for­manni og for­stjóra FL Group, í Sterl­ing-­mál­inu svo­kall­aða til Hæsta­réttar Íslands. Þá herma heim­ildir Kjarn­ans að áfrýj­un­ar­stefnan hafi enn ekki verið birt Hann­esi eða verj­anda hans, Gísla Guðna Hall.

Í ákæru sér­staks sak­sókn­ara var Hann­esi gefið að ­sök fjár­dráttur með því að hafa dregið sér tæpa þrjá millj­arða króna af reikn­ingi FL Group á meðan hann var stjórn­ar­for­maður félags­ins. Fénu á Hannes svo að hafa ráð­stafað til Fons eign­ar­halds­fé­lags, í eigu Pálma Har­alds­sonar og Jóhann­esar Krist­ins­son­ar, sem not­uðu það svo til að borga fyrir danska lággjalda­flug­fé­lagið Sterl­ing árið 2005.

Málið var þing­fest í Hér­aðs­dómi Reykja­víkur þann 14. febr­úar í fyrra. Hér­aðs­dómur féllst á frá­vís­un­ar­kröfu Hann­esar í mars, en Hæsti­réttur ógilti síðar frá­vís­un­ina í apr­íl­mán­uði síð­ast­liðn­um. Aðal­með­ferð í mál­inu hófst loks þann 28. jan­ú­ar, eða tæpum tíu árum eftir að hinn meinti fjár­dráttur Hann­esar átti sér stað.

Sér­stakur sak­sókn­ari krafð­ist þess fyrir dómi að Hannes Smára­son yrði dæmdur í tveggja til þriggja ára fang­elsi, en Hér­aðs­dómur Reykja­víkur kvað upp sýknu­dóm í mál­inu þann 18. febr­úar síð­ast­lið­inn.