Tekju- og eigna­staða Íslend­inga hefur batnað veru­lega frá hruni, sam­kvæmt tölum sem fjár­mála- og efna­hags­ráðu­neytið gaf út í dag. Ráðu­neytið tók saman upp­lýs­ingar um 5 pró­sent rík­asta hóp lands­manna og hin 95 pró­sent þjóð­ar­inn­ar.

Skulda­staða 95 pró­senta lands­manna hefur batnað og eru skuldir nú 43 pró­sentum minni en þær voru í árs­lok 2008. 5 pró­sentin sem mest eiga skulda 18 pró­sentum minna en í lok árs­ins 2008. Eignir 95 pró­senta þjóð­ar­innar dróg­ust saman um 26 pró­sent að raun­virði í hrun­inu en hjá 5 pró­sent­unum dróg­ust eign­irnar saman um 22 pró­sent.

Tekj­ur, eign­ir, skuldir og eigið fé þeirra 5% lands­manna sem eiga mestar eignir sem hlut­fall af heild­ar­tekj­um, heild­ar­eign­um, heild­ar­skuldum og heildar eigin fé allra lands­manna. Myndir frá fjár­mála- og efna­hags­ráðu­neyt­in­u.

Tekjur þeirra 5 pró­senta sem mest eiga á Íslandi uxu hratt sem hlut­fall af heild­ar­tekjum allra fram að hruni. Eftir hrun lækk­uðu þær veru­lega en hafa hækkað á nýjan leik und­an­farin miss­eri. Þessi hópur átti um fjórð­ung allra eigna fyrir hrun og í hrun­inu minnk­uðu eigur þessa fólks minna en eigur ann­arra. Þess vegna urðu eignir rík­asta fólks­ins meira en þriðj­ungur heild­ar­eigna eftir hrun­ið.

Eigið fé rík­ustu 5 pró­sent­anna var um 40 pró­sent alls eigin fjárs fyrir hrunið en eftir hrunið fór það langt yfir helm­ing heild­ar­eig­in­fjár á Íslandi, vegna þess að eigin fé hinna dróst sam­an. Þessi rík­asti hópur skuld­aði 10 pró­sent allra skulda fyrir hrun en það hlut­fall hefur stöðugt lækkað síð­an, að sögn fjár­mála­ráðu­neyt­is­ins.

Eigið fé vaxið hraðar hjá öðrum en þeim allra rík­ustu

Fjár­mála­ráðu­neytið gerði einnig sam­an­burð á milli Íslands og ann­arra landa þegar kemur að rík­asta 1 pró­senti þess­ara landa, en tekur fram að gögn um tekju­dreif­ingu eru ekki tekin saman með sam­ræmdum hætti og því er erfitt að bera þetta sam­an. Gögnin sem notuð voru gefa til kynna að hlut­deild 1 pró­sents eigna­mestu ein­stak­linga í heildar eigin fé er svipuð hér á landi og á hinum Norð­ur­lönd­un­um. „Hvergi á Norð­ur­lönd­um, utan mögu­lega Dan­merk­ur, eru nein teikn á lofti um að þessi hópur taki til sín vax­andi hlut­fall af eigin fé,“ segir fjár­mála­ráðu­neyt­ið. „Frá því að eigið fé var minnst eftir hrun hefur það vaxið hraðar hjá öðrum en þeim allra rík­ustu á Ísland­i.“