„Þetta er nú meiri ræf­il­dóm­ur­inn hjá Alþingi Íslend­inga. Níu ár og fjórar kosn­ingar eru liðnar frá því þjóðin sam­þykkti með 2/3 hluta atkvæða vilja sinn til að lög­fest yrði ný stjórn­ar­skrá – sem í grund­vall­ar­at­riðum var samin af þjóð­inni sjálfri.“

Þetta skrifar Jóhanna Sig­urð­ar­dótt­ir, fyrr­ver­andi for­sæt­is­ráð­herra og for­maður Sam­fylk­ing­ar­inn­ar, í stöðu­upp­færslu á Face­book í gær­kvöldi.

Vísar hún í það að í gær felldi meiri­hlut­inn á Alþingi ásamt Mið­flokkn­um, en Þor­gerður Katrín Gunn­ars­dóttir for­maður Við­reisnar sat hjá, að þing yrði kvatt saman að nýju eigi síðar en 12. ágúst næst­kom­andi til sér­staks fundar um stjórn­ar­skrár­mál. Um svo­kall­aðan þing­stubb hefði verið að ræða.

Enn eitt kjör­tíma­bilið farið í súg­inn

Andrés Ingi Jóns­son þing­maður Pírata var fyrsti flutn­ings­maður til­lög­unnar en hann tjáði sig um málið á Faceo­bok í gær þar sem hann sagði að stjórn­ar­þing­menn hefðu í fram­haldi af atkvæða­greiðsl­unni hafnað tæki­færi til að gera gott úr stöð­unni sem nýja stjórn­ar­skráin hefði verið komin í undir lok kjör­tíma­bils­ins.

„Þetta hefði gefið næsta þingi færi á að koma þjóð­ar­vilj­anum í fram­kvæmd sem fyrst að loknum kosn­ing­um. En nei, meiri­hlut­inn mátti ekki heyra á það minnst og kol­felldi þessa til­lögu mína. Enn eitt kjör­tíma­bilið er farið í súg­inn!“ skrifar Andrés Ingi.

Stjórn­ar­flokk­arnir taka þennan Svarta Pétur með sér inn í kosn­ingar

Jóhanna spyr í færslu sinni á Face­book hvar í hinum vest­ræna heimi það hefði verið liðið að þjóð­þing myndi hunsa þjóð­ar­vilja þar sem þjóðin er stjórna­skrár­gjaf­inn.

„Ekki einu sinni var vilji hjá Katrínu for­sæt­is­ráð­herra og rík­is­stjórn hennar til að sam­þykkja nú fyrir kosn­ingar að hægt væri að breyta stjórn­ar­skránni á næsta kjör­tíma­bili, án þess að boða þyrfti til kosn­inga. Kjós­endur geta því gengið útfrá því að óbreytt rík­is­stjórn mun aldrei sam­þykkja breyt­ingar á stjórn­ar­skránni á næsta kjör­tíma­bili. Í anda þjóð­ar­vilj­ans. Þennan Svarta Pétur taka íhalds­flokk­arnir í núver­andi rík­is­stjórn með sér inn í næstu kosn­ing­ar,“ skrifar fyrr­ver­andi ráð­herra.