Sig­ríður Lillý Bald­urs­dótt­ir, for­stjóri Trygg­inga­stofn­un­ar, verð­ur­ kölluð á fund vel­ferð­ar­nefndar Alþing­is, að beiðni Ragn­heiðar Rík­harðs­dóttur full­trúa Sjálf­stæð­is­flokks í nefnd­inni, vegna við­bragða stofn­un­ar­innar við nýju áliti Umboðs­manns Alþing­is.

Sam­kvæmt áliti umboðs­manns braut Trygg­inga­stofnun lög með því að láta sér­stakt við­bót­ar­skil­yrði fyrir greiðslum örorku­bóta tvö ár aftur í tím­ann, þar sem kveðið var á um "sér­stakar aðstæð­ur." Trygg­inga­stofn­unin hefur þannig synjað umsóknum um aft­ur­virkar örorku­líf­eyr­is­bætur á þeim rökum að skil­yrðið sé ekki upp­fyllt.

Í til­kynn­ingu frá stofn­un­inni í kjöl­far álits Umboðs­manns Alþingis sagði: "Telji ein­hver að réttur hafi verið brot­inn vegna synj­unar á aft­ur­virkum greiðslum er bent á að hægt er að óska end­ur­upp­töku á mál­inu hjá stofn­un­inn­i." Þannig virð­ist Trygg­inga­stofnun ekki ætla að hafa frum­kvæði að því að leið­rétta fyrri ákvarð­anir sín­ar. Vara­for­maður Sjálfs­bjargar hefur gagn­rýnt við­brögð Trygg­inga­stofn­un­ar.

Ragn­heiður Rík­harðs­dóttir gagn­rýnir sömu­leiðis við­brögð Trygg­inga­stofn­unar og vill að for­stjóri stofn­un­ar­inn­ar ­geri grein fyrir afstöðu henn­ar. "Sam­kvæmt áliti umboðs­manns braut Trygg­inga­stofnun gegn skjól­stæð­ingum sín­um. Í ljósi þess skorti alla auð­mýkt í við­brögð stofn­un­ar­innar við áliti umboðs­manns. Auð­vitað á stofn­unin að hafa frum­kvæði að því að leið­rétta hlut sinna skjól­stæð­inga og fara yfir þær synj­anir sem hún hefur veitt í krafti þessa ákvæð­is," segir Ragn­heiður í sam­tali við Kjarn­ann.

"Ég lít ávirð­ingar umboðs­manns mjög alvar­legum aug­um. Það er mjög alvar­legt þegar Umboðs­maður Alþingis gerir athuga­semdir við stórn­sýslu og verk­lag opin­berra stofn­anna með þessum hætt­i."

For­stjóri Trygg­inga­stofn­unar hefur verið boð­aður á fund vel­ferð­ar­nefndar mið­viku­dag­inn 15. októ­ber, ásamt full­trúum frá Öryrkja­banda­lagi Íslands og Þroska­hjálp.