Í gær, 12. ágúst, birt­ist for­seta­bréf um þing­rof og almennar kosn­ingar í Stjórn­ar­tíð­ind­um. Þar segir meðal ann­ars að sam­kvæmt til­lögu Katrínar Jak­obs­dóttur for­sæt­is­ráð­herra, sem kynnt var á rík­is­stjórn­ar­fundi fyrr í vik­unni, þá sé búið að ákveða að rjúfa þing 25. sept­em­ber og að kosn­ingar til Alþingis fari fram þann sama dag.

Í til­kynn­ingu á vef Alþingis vegna þessa segir að í þing­rofi felist heim­ild hand­hafa fram­kvæmd­ar­valds­ins, Guðna Th. Jóhann­es­sonar for­seta Íslands að til­lögu for­sæt­is­ráð­herra, til að stytta kjör­tíma­bil Alþing­is, en Alþingi er kjörið til fjög­urra ára í senn. Síð­ast fóru kosn­ingar fram 28. októ­ber 2017. Því mun vanta rúman mánuð upp á að Alþingi hafi setið í heil fjögur ár. 

Í til­kynn­ing­unni segir einnig að sá háttur hafi lengst af verið hafður á að for­sæt­is­ráð­herra til­kynni um þing­rof úr ræðu­stól Alþingis þegar þing hefur set­ið, áður en for­seta­bréfið er birt í Stjórn­ar­tíð­ind­um. Það sé þó ekki skil­yrði að for­seta­bréf um þing­rof sé lesið upp á þing­fundi. „Síð­ast var til­kynnt um þing­rof með þessum hætti árið 1953.“

Nýtt Alþingi á að koma saman eigi síðar en tíu vikum eftir kjör­dag. Tak­ist að mynda rík­is­stjórn hratt eftir kosn­ingar má ætla að það verði kallað saman mun fyrr, líkt og gerð­ist 2017, en það getur líka dreg­ist umtals­vert ef stjórn­ar­mynd­un­ar­við­ræður verða erf­iðar og flókn­ar, líkt og þær voru 2016.