Und­ir­skrifta­söfn­un­inni þjóð­ar­eign.is verður lokað á mið­nætti á fimmtu­dag­inn og í kjöl­farið verða und­ir­skrift­irnar afhentar for­seta Íslands, Ólafi Ragn­ari Gríms­syni. Þetta kemur fram í frétta­til­kynn­ingu frá aðstand­endum söfn­un­ar­inn­ar.

Aðstand­endur vef­síð­unnar eru Agnar K. Þor­steins­son, Bolli Héð­ins­son, Guð­rún Pét­urs­dótt­ir, Henný Hinz, Jón Sig­urðs­son, Jón Steins­son og Þor­kell Helga­son. Á vef­síð­unni skora þau sem skrifa nafn sitt á for­seta Íslands að vísa í þjóð­ar­at­kvæða­greiðslu vænt­an­legu mak­ríl­frum­varpi sjáv­ar­út­vegs­ráð­herra og hverjum þeim lögum sem þar sem fisk­veiði­auð­lindum er ráð­stafað til meira en eins árs.

Nú hafa yfir 51 þús­und manns skrifað und­ir, sem sam­svarar um 21 pró­senti af kjós­endum á kjör­skrá.

„Und­ir­skrifta­söfn­un­inn­i var hrundið af stað í kjöl­far þess að lagt hafði verið fram stjórn­ar­frum­varp um úthlutun heim­ilda til mak­ríl­veiða til sex ára með sjálf­virkri fram­leng­ingu. Nú liggur fyrir að þetta frum­varp verður ekki afgreitt fyrir þing­lok en boðað hefur verið að það verði tekið upp aftur á haust­þing­i,“ segir í yfir­lýs­ing­unni. Því hafi verið ákveðið að ljúka söfnun und­ir­skrifta.

Aðstand­end­urnir árétta þó að und­ir­skrifta­söfn­unin hafi ekki beinst gegn mak­ríl­frum­varp­inu sér­stak­lega heldur taki hún til allra frum­varpa þar sem fisk­veiði­auð­lindum er ráð­stafað á meðan ekki hafi verið sett ótví­ræð ákvæði í stjórn­ar­skrá um þjóð­ar­eign á auð­lind­um. Áskor­unin haldi því gildi sínu þar til það verði.