Þóra Arn­órs­dótt­ir, starf­andi rit­stjóri Kast­ljóss, gagn­rýnir RÚV fyrir að sýna ekki alla leiki í 16 liða úrslitum heims­meist­ara­keppni kvenna í knatt­spyrnu á aukarás sinni, RÚV2.

Í stöðu­upp­færslu á Face­book segir Þóra að hún sé ekki að biðja um að hver ein­asti leikur í mót­inu sé sýnd­ur, en spyr hvort það sé ekki lág­mark að sýna útslátt­ar­leik­ina. "Ég veit ekki til þess að það hafi verið vesen á HM karla hingað til. Það eru þús­undir og aftur þús­undir stelpna að æfa fót­bolta á Íslandi, þær æfa alveg jafn mikið og strák­arnir og þurfa alveg jafn mikið á fyr­ir­myndum að halda og þeir. Það er ömur­legt að fá þau skila­boð að kvenna­mótið sé bara svo miklu ómerki­legra að það sé nóg að sýna einn og einn leik þegar tíma­setn­ingin er heppi­leg." Hún tengir síðan Einar Örn Jóns­son, yfir­mann íþrótt­ar­deildar RÚV, við færsl­una.

RÚV2 er aukarás RÚV og við­burða­sjón­varps­stöð. Á henni er ekki boðið upp á sam­fellda dag­skrá heldur er stöðin nýtt sem við­bót við aðal­rás­ina RÚV. Þar er einkum boðið upp á beinar útsend­ingar og upp­tökur frá mark­verðum menn­ing­ar- og íþrótta­við­burð­um, inn­lendum sem erlend­um.