Þór­oddur Bjarna­son, pró­fessor við Háskól­ann á Akur­eyri, hefur ákveðið að gefa ekki kost á sér áfram sem stjórn­ar­for­maður Byggða­stofn­un­ar. Akur­eyri viku­blað greindi frá þessu í dag. Þór­odd­ur hefur þegar til­kynnt ráð­herra um þetta sem og öðrum sem sæti eiga í stjórn­inni. Það eru Einar E. Ein­ars­son, vara­for­mað­ur, Skaga­firði

Valdi­mar Haf­steins­son, Hvera­gerð­i, Ást­hildur Sturlu­dótt­ir, Pat­reks­firð­i, ­Karl Björns­son, Reykja­vík­, Oddný María Gunn­ars­dótt­ir, Blöndu­ósi, og ­Sig­ríður Jóhann­es­dótt­ir, Þórs­höfn.

Þór­oddur segir í við­tali við viku­blaðið að hann hafi ákveðið að hætta, meðal ann­ars vegna þess að það hafi verið erfitt að sam­ræma starfið fyrir Byggða­stofnun með­fram störfum sínum fyrir Háskól­ann á Akur­eyr­i. „Þetta eru mikil ferða­lög og raf­hlaðan í sím­anum end­ist ekki alltaf fram að hádegi. Við höfum alltaf reynt að finna jafn­vægi milli fjöl­skyldu og vinnu en það getur verið mis­jafn­lega auð­velt. Það er minn­is­stætt að rölta ber­fættur á suð­rænni strönd síð­asta sumar með sveit­ar­stjór­ann á Djúpa­vogi í sím­anum og upp­götva allt í einu flissandi hala­rófu af krakka­ormum á eftir sér, blaðr­andi stríðn­is­lega „bla, bla, byggða­stofn­un, bla, bla, bla“ í þykjustu­sím­ana sína. Þá slökkti ég á sím­anum það sem eftir var dags­ins,“ segir Þór­oddur í sam­tali við blað­ið.

Katrín Júl­í­us­dóttir bað Þór­odd um að taka að sér stjórn­ar­for­mennsku í Byggða­stofnun árið 2011, og ákvað hann að slá til­. „­Reyndar var ég ekki einu sinni mál­kunn­ugur Katrínu Júl­í­us­dótt­ur, ráð­herra byggða­mála, þegar hún bauð mér starf­ið, sem er auð­vitað athygl­is­vert. Eins og amma mín hefði sagt; á dauða mínum átti ég von en ekki því að verða for­maður stjórnar Byggða­stofn­un­ar,“ segir Þór­oddur meðal ann­ars í sam­tali við Akur­eyri viku­blað.