Tæp­lega þrír af hverjum fjórum stjórn­endum í íslensku atvinnu­lífi, eða 73,3 pró­sent þeirra, eru bjart­sýnir á að hag­kerfið muni vaxa næsta árið. Þeim stjórn­endum sem bera þá bjart­sýni í brjósti hefur þó fækkað síðan í sum­ar, þegar 81,1 pró­sent slíkra sagð­ist vera bjart­sýnn á aukin vöxt. Bjart­sýnin hefur hins vegar auk­ist mikið frá því í des­em­ber í fyrra þegar 58,9 pró­sent stjórn­enda var bjart­sýnn á að hag­kerfið myndi vaxa næsta árið. Og þegar horft er enn lengur aftur í tím­ann, nánar til­tekið til apr­íl­mán­aðar 2011, hefur fjöldi þeirra sem er bjart­sýnn nán­ast þre­fald­ast. Þá töldu ein­ungis 27 pró­sent stjórn­enda að bjart væri framundan í íslenska hag­kerf­inu næsta árið.

Þetta kemur fram í nýrri könnun MMR á við­horfi stjórn­enda íslenskra fyr­ir­tækja til horfa í íslensku hag­kerfi sem og mik­il­vægra þátta í rekstr­ar­um­hverfi þeirra eigin fyr­ir­tækja til næstu tólf mán­aða. Könn­unin fór fram á a tíma­bil­inu 9. til 14. októ­ber 2014. Til stjórn­enda telj­ast for­stjór­ar, fram­kvæmda-, fjár­mála-  og mark­aðs­stjór­ar. Könn­unin var net­könnun og 602 ein­stak­lingar svör­uðu henni.

Fáir búast við að starfs­fólki muni fjölga

Í nið­ur­stöðum MMR kemur einnig fram að tæp­lega sjö af hverjum tíu stjórn­endum telji að launa­kostn­aður fyr­ir­tækja þeirra muni aukast, að eft­ir­spurn eftir þeirri vöru og þjón­ustu sem fyr­ir­tækin bjóða upp á muni aukast og að velta fyr­ir­tækja þeirra muni aukast á næstu tólf mán­uð­um.

Rúm­lega helm­ingur þeirra telur að arð­semi og sam­keppn­is­hæfni fyr­ir­tækj­anna muni aukast og um 45 pró­sent að mark­aðs­starf verði aukið næsta árið en ein­ungis rétt tæpur þriðj­ungur telur að starfs­fólki muni fjölga.