Tökum dæmi af fólki sem ákvað að ávaxta sparnað sinn á íslenskum hluta­bréfa­mark­aði á und­an­förnum árum, og þannig tekið þátt í end­ur­reisn hans, eftir ævin­týra­legt fall ­sam­hliða hruni fjár­mála­kerf­is­ins. Fólkið fjár­fest­i ­þremur millj­ónum og ákvað að kaupa bréf í þremur fyr­ir­tækj­um.

Ein milljón fór í að kaupa hluta­bréf í Icelanda­ir, í nóv­em­ber 2009, á geng­inu 2,85. Önnur millj­ónin fór í að kaupa hluta­bréf í Hög­um, í jan­úar 2011, nokkru eftir nýskrán­ing­u, á geng­inu 15,65, og sú þriðja fór í kaup á hluta­bréfum í fast­eigna­fé­lag­inu Reg­inn á geng­inu 8,2 í júlí 2012.

Ef öll hluta­bréfin hefðu verið seld í gær hefðu þessar þrjár millj­ónir verið búnar að rúm­lega fimm­faldast, og orðnar 15,78 millj­ón­ir. Icelandair bréfin hafa rúm­lega tífald­ast í verði, en gengið í gær var ríf­lega 31. Gengi bréfa Haga stendur nú í rúm­lega 42 og gengi Reg­ins er nú 18,45.

Óhætt er að segja að miklar hækk­anir hafi ein­kennt hluta­bréfa­mark­að­inn frá því hann spyrnti sér frá botni, eftir hrun fjár­mála­kerf­is­ins. Það verður svo hver að dæma fyrir sig, hvort þessar hækk­anir séu eðli­legar eða ekki...