Þótt ótrú­legt megi virð­ast þá er ýmis­legt annað að ger­ast í heim­inum í dag en umræða um þöggun í Vest­manna­eyj­um, vera sela á íslenskum tjald­stæðum og tíð­indi af magni umferðar á Suð­ur­lands­veg­i. Business Insider tekur reglu­lega saman lista yfir merki­leg­ustu hlut­ina sem eru að ger­ast í heim­inum í dag. Að venju kennir ýmissa grasa á list­an­um.

1. Yfir­völd í Malasíu hafa stað­fest að brakið sem fannst á eyju í Ind­lands­hafi sé að Boeing 777-þotu, sem er sama teg­und og hin týnda vél Mala­ysian Air­lines, MH 370, var. Vélin hvarf snemma á síð­asta ári.



2. Grikkir gætu beðið um allt að 24 millj­arða evra, rúm­lega 3.500 millj­arða króna, þegar fyrsti áfangi nýs björg­un­ar­pakka frá kröfu­höfum lands­ins verður greiddur út síðar í þessum mán­uði. Frá þessu er greint í grískum fjöl­miðl­um.



3. Fjöl­margir hafa vottað söng­kon­unni og sjón­varps­stjörn­unni Cillu Black, sem lést á heim­ili sínu á Spáni í gær, virð­ingu sína. Bana­mein hennar Black, sem var 72 ára þegar hún lést, liggur ekki fyrir en krufn­ing fer fram síðar í dag.



4. Breski stór­bank­inn HSBC til­kynnti í dag að tekjur hans hefðu auk­ist um tíu pró­sent á fyrri helm­ingi árs­ins 2015, miðað við sama tíma­bil í fyrra. Ástæðan er gríð­ar­leg hagn­að­ar­aukn­ing hjá starfs­stöð bank­ans í Hong Kong, en HSBC hefur verið að íhuga að færa höf­uð­stöðvar sínar frá London til Hong Kong vegna auk­inna umsvifa sinna þar.



5. Tujia, kín­versk fyr­ir­tæki sem leigir út heim­ili fólks á svip­aðan hátt og Air­bnb, til­kynnti um það í morgun að það hefði safnað um 300 millj­ónum dala, um 40,3 millj­örðum króna, frá fjár­festum í nýaf­stöðnu hluta­fjár­út­boði. Til­gang­ur­inn er að auka rekstur Tujia í öðrum lönd­um.



6. Rapp­ar­inn Snoop Dogg, sem nýverið heim­sótti Íslands, heldur áfram að rata í vand­ræði. Hann var stöðv­aður af lög­reglu á Ítalíu á föstu­dag þar sem að hann var að fara um borð í einka­þotu á leið til Bret­lands með 422 þús­und dali, um 57 millj­ónir króna, í reiðufé á sér. Reiðu­féð var í Lous Vuitton tösku í eigu rapp­ar­ans.



7. Volkswagen hefur tekið fram úr Toyota í fram­leiðslu á bílum og er nú stærsti bíla­fram­leið­andi í heimi. Tak­mark­inu var náð þremur árum fyrr en áætl­anir þýska bílaris­ans gerðu ráð fyr­ir.



8. Grikk­land mun steig enn eitt skrefið í átt frá efna­hags­legum glund­roða þegar kaup­höllin í Aþenu var opnuð á ný eftir að hafa verið lokuð í fimm vik­ur. Líkt og við var búist féll verð hluta­bréfa skarpt við opn­un­ina.



9. Notkun ólög­legra lyfja til þess að bæta árangur er mun útbreidd­ari í frjálsum íþróttum en áður var talið, en sam­kvæmt rann­sókn sem unnin var á fimm þús­und ein­stak­lingum í frjálsum íþróttum var einn af hverjum sjö með ólög­leg lyf í blóð­inu. Þetta kemur fram í gögnum sem Al­þjóða frjáls­í­þrótta­sam­band­ið, IAAF, hefur til skoð­un­ar. Sam­kvæmt þeim var um þriðj­ungur verð­launa sem unnið var til á Olymp­íu­leikum eða heims­meist­ara­mótum á tíu ára tíma­bili unnin af íþrótta­mönnum þar sem grunur leikur á lyfja­notk­un.



10. Barack Obama kynnti í gær til sög­unnar nýja orku­á­ætlun Banda­ríkj­anna. Sam­kvæmt henni verða rekstr­ar­að­ilar banda­rískra kola­orku­vera verða skikk­aðir til að draga mjög úr losun koltví­sýr­ings af þeirra völdum á næstu 15 árum. Búist er við hatrömmum mót­mælum frá hags­muna­að­ilum vegna þessa.

Fyrsta stiklan úr Zool­ander 2 hefur verið gerð opin­ber á net­inu. Og hún er mjög fynd­in.

https://yout­u.be/09nTwccQTUA