Fjöl­miðla­fyr­ir­tækið Torg tap­aði upp undir 600 millj­ónum króna á síð­asta ári, að því er fram kemur í frétt Frétta­blaðs­ins í dag. Torg gefur út Frétta­blað­ið, sem og vef­miðl­ana dv.is, eyj­an.is, press­an.is, 433.is, hring­braut.is og fretta­bla­did.­is. Fyr­ir­tækið rekur enn fremur sjón­varps­stöð­ina Hring­braut.

Helgi Magn­ús­son aðal­eig­andi Torgs segir í sam­tali við Frétta­blaðið að fyr­ir­tækið sé ekki til sölu en fjöl­miðlar hafa á und­an­förnum vikum greint frá því að boðið hafi verið í fyr­ir­tæk­ið.

Hann segir að þau hafi „fengið fyr­ir­spurnir og óform­leg til­boð í fyr­ir­tækið eða hluta þess frá nokkrum aðilum að und­an­förnu. Þeim hug­myndum hefur öllum verið svarað neit­andi og vísað frá með þeim orðum að ekk­ert sé til sölu hjá okk­ur.“

Fjár­magnað með nýju hlutafé

Helgi segir við Frétta­blaðið að þeir aðilar sem rætt hafi við útgáfu­fé­lagið Torg geri sér ljóst að bjartir tímar geti verið fram undan í þessum rekstri eftir mjög erf­iða tíma vegna veiru­far­ald­urs­ins.

Tap árs­ins 2020 hafi numið upp undir 600 millj­ónum króna, eins og áður seg­ir. Hann segir að það hafi allt verið fjár­magnað með nýju hluta­fé. „Nú horfir til betri vegar eftir að veiru­vand­inn er hættur að hafa áhrif á tekju­öflun fyr­ir­tæk­is­ins og við væntum þess að hagur þess vænk­ist mjög við eðli­legar aðstæður í við­skipta­líf­in­u.“