Flestir Íslend­ingar bera mikið traust til Ólafs Ragn­ars Gríms­sonar for­seta og Katrínar Jak­obs­dóttur for­manns Vinstri grænna. Þetta kemur fram í nýrri könnun MMR á trausti almenn­ings til for­ystu­fólks í stjórn­mál­um. Á eftir þeim njóta ­Dagur B. Egg­erts­son borg­ar­stjóri og Birgitta Jóns­dóttir kapteinn Pírata mests trausts.

48,5 pró­sent spurðra sögð­ust bera mikið traust til Ólafs Ragn­ars, og 46,7 pró­sent til Katrín­ar. 37 pró­sent sögð­ust bera mikið traust til Dags og 32,3 pró­sent til Birgittu. Birgitta er jafn­framt eini stjórn­mála­leið­tog­inn sem nýtur meira trausts nú en í júní 2013, fyrir utan þá sem hafa ekki verið mældir fyrr.

Fleiri bera mikið traust til Guð­mundar Stein­gríms­son­ar, for­manns Bjartrar fram­tíð­ar, en til beggja leið­toga stjórn­ar­flokk­anna, Bjarna Bene­dikts­sonar og Sig­mundar Dav­íðs Gunn­laugs­son­ar. 24,9 pró­sent treysta Guð­mundi, en 22,8 pró­sent treysta Bjarna og 17,5 pró­sent Sig­mundi Dav­íð.

Jafn­framt er fjöldi þeirra sem segj­ast bera lítið traust til Bjarna og Sig­mundar meiri en hjá öðrum stjórn­mála­leið­tog­um. 57,9 pró­sent segj­ast bera lítið traust til Bjarna og 63,2 pró­sent treysta Sig­mundi Davíð illa.

Árni Páll Árna­son, for­maður Sam­fylk­ing­ar­inn­ar, rekur lest­ina í traustsmæling­un­um, 14,9 pró­sent segj­ast treysta honum vel.

 

Miklar sveiflur milli kann­ana

MMR mældi traust til stjórn­mála­leið­toga í febr­úar í fyrra og í júní árið 2013, skömmu eftir að rík­is­stjórn Sig­mundar og Bjarna var mynd­uð. Árið 2013 sögð­ust 33,8 pró­sent aðspurðra treysta Bjarna vel, og 48,8 pró­sent sögð­ust treysta Sig­mundi Davíð vel. Í fyrra hafði traust til þeirra beggja minnkað tals­vert, en þá sögð­ust tæp 25 pró­sent treysta Bjarna en traust á Sig­mundi var komið niður í 23,2 pró­sent. Í mæl­ing­unum nú er traust til Bjarna 22,8 pró­sent og traust til Sig­mundar 17,5 pró­sent.

Hafa verður í huga að vik­mörk í könn­unum sem þessum geta verið allt að 3,1 pró­sent. 1060 ein­stak­lingar svör­uðu könn­un­inni, sem var fram­kvæmd frá 30. mars til 8. apr­íl. Miðað við það eru breyt­ingar á trausti til Bjarna milli kann­ana innan marka.

Einnig hafa orðið miklar breyt­ingar á van­trausti til leið­toga stjórn­ar­flokk­anna frá því að þeir tóku við störf­um. Í júní 2013 sögð­ust 43,3 pró­sent bera lítið traust til Bjarna, og 27,6 pró­sent báru lítið traust til Sig­mund­ar. Í febr­úar í fyrra hafði þeim sem van­treystu Bjarna fjölgað í 54,1 pró­sent og þeim sem báru lítið traust til Sig­mundar hafði fjölgað enn meira, í 58,2 pró­sent. Í þess­ari könnun segj­ast 57,9 pró­sent bera lítið traust til Bjarna en 63,2 pró­sent bera lítið traust til Sig­mund­ar.

Dagur er mældur sem stjórn­mála­leið­togi í fyrsta sinn. MYND/BIRGIR ÞÓR

Dagur miklu vin­sælli en Árni Páll

At­hygli vekur að sam­fylk­ing­ar­mað­ur­inn Dagur B. Egg­erts­son, borg­ar­stjóri Reykja­vík­ur, er miklu vin­sælli en Árni Páll Árna­son, for­maður flokks­ins, sam­kvæmt könn­un­inni. Aldrei hafa jafn fáir sagst bera mikið traust til Árna Páls og nú síðan hann tók við sem for­maður flokks­ins, eða 14,9 pró­sent. Á sama tíma mælist traust til Dags 37 pró­sent, en þetta er í fyrsta sinn sem traust og van­traust til hans er mælt í könn­unum MMR.

Sam­kvæmt könn­un­inni hafa aldrei fleiri borið lítið traust til Árna Páls en nú, en alls 53,6 pró­sent aðspurðra sögð­ust treysta honum frekar eða mjög lít­ið. Um þriðj­ungur aðspurðra sögð­ust treysta Degi frekar eða mjög lít­ið.

Ef litið er aftur til mæl­inga sem gerðar voru rétt eftir síð­ustu kosn­ingar sést að þeim hefur fækkað sem segj­ast treysta Katrínu Jak­obs­dóttur vel, en skömmu eftir kosn­ingar mæld­ist hún með 62,5 pró­senta traust og 17,2 pró­senta van­traust. Katrín hefur þó frá því að hún var mæld fyrst verið sá leið­togi sem fæstir segj­ast van­treysta. 26,3 pró­sent segj­ast bera lítið traust til hennar nú, en aðeins Ólafur Ragnar er nálægt henni í þeim mæl­ing­um. 29,2 pró­sent segj­ast bera lítið traust til hans. Birgitta Jóns­dóttir og Guð­mundur Stein­gríms­son eru á svip­uðum slóðum í van­traustsmæling­um, 37,2 og 37,9 pró­sent segj­ast bera lítið traust til þeirra.