HB Grandi hagn­að­ist um 13,8 millj­ónir evra, eða sem nemur rúm­lega tveimur millj­örðum króna, á fyrstu þremur mán­uðum árs­ins. Rekstr­ar­tekjur sam­stæð­unnar námu 53,3 millj­ónum evra, tæp­lega átta millj­örðum króna, á þessum fyrstu þremur mán­uðum árs­ins en rekstr­ar­hagn­aður fyrir fjár­magnsliði og afskriftir (EBIT­DA) nam 21,4 millj­ónum evra, eða sem nemur 3,2 millj­örðum króna.

Þetta er eitt besta upp­gjör í sögu fyr­ir­tæk­is­ins, enda EBITDA fram­legð upp á 40,1 pró­sent, eins og upp­gjörið sýn­ir, fáheyrð í rekstri skráðra fyr­ir­tækja. Upp­gjörið er í takt við rekstur fyr­ir­tæk­is­ins á síð­ustu árum, sem hafa hverið bestu rekstr­arár í sögu fyr­ir­tæk­is­ins.

Heild­ar­eignir félags­ins námu 393,2 millj­ónum evra í lok mars 2015, eða sem nemur um 60 millj­örðum króna. Þar af voru fasta­fjár­munir 300,1 millj­ónir evra, eða um 45 millj­arðar króna. Veltu­fjár­munir voru 93,1 millj­ónir evra, eða tæp­lega fjórtán millj­arðar króna. Eigið fé nam 233,6 millj­ónum evra, eða um 35 millj­örðum króna. Eig­in­fjár­hlut­fall í lok mars var 59,4%, en var 59,7% í lok árs 2014. Heild­ar­skuldir félags­ins voru í mars­lok 159,6 millj­ónir evra, eða sem nemur 23,9 millj­örðum króna.