Sam­fé­lags­miðl­aris­inn Twitter leitar nú að nýjum for­stjóra til þess að leiðta fyr­ir­tækið í gegnum breyt­inga­skeið og krefj­andi tíma. Sá sem tal­inn er koma helst til greina er Jack Dorsey, einn stofn­enda Twitt­er, en hann starf­aði sem for­stjóri á fyrstu árum Twitter en var rek­inn árið 2008. Frá þessu er greint í New York Times í dag.

Fram­kvæmda­stjórn Twitter hefur gefið það út að nýr for­stjóri þurfi að búa yfir afburða­hæfi­leikum þegar komi að vöru­þró­un, þurfi að hafa ástríðu fyrir 140 stafa skila­boð­unum sem Twitter hefur ein­blínt á frá stofnun og kunna að stýra almenn­ings­hluta­fé­lagi.

Virkir mán­að­ar­legir not­endur Twitter eru nú 302 millj­ónir manna á heims­vísu og hefur þeim fjölgað ört á síð­ustu tveimur árum. Í byrjun árs í fyrra voru þeir rúm­lega 200 millj­ón­ir. Tekju­módel Twitter hefur hins vegar ekki byggst upp eins hratt, og hlut­hafar Twitter hafa kvartað yfir því á hluta­hafa­fund­um, að skortur sé á því að skýr stefna sé um það hvernig tekj­urnar eigi að byggj­ast upp til fram­tíðar lit­ið.

Verk­efni nýs for­stjóra verður ekki síst leiða nýja vöru­þróun sem á að styrkja tekju­myndun þessa risa­vaxna sam­fé­lags sem Twitter not­endur mynda með teng­ingum sín á milli.

Follow the admins list - htt­p://twitt­er.com/Cr­eatorOfTwitt/lists

— Jack Dorsey (@Cr­eatorOfTwitt) Decem­ber 20, 2009