Einar K. Guð­finns­son, for­seti Alþing­is, hefur ákveðið að fresta umræðu um ramma­á­ætlun og breyt­ing­ar­til­lögur á henni. Þetta til­kynnti hann á þing­fundi nú í kvöld.

Þing­störf hafa verið í upp­námi síð­ustu vik­ur ­vegna breyt­ing­ar­til­lögu meiri­hluta atvinnu­vega­nefndar um að færa fjór­ar, og síðar þrjár, virkj­anir í nýt­ing­ar­flokk. Stjórn­ar­and­staðan hefur mót­mælt þessu harð­lega, því að lagt sé til að færa í nýt­ing­ar­flokk virkj­un­ar­kosti sem verk­efn­is­stjórn um ramma­á­ætlun hefur ekki lokið við að meta, og ekki síst því að það skuli vera atvinnu­vega­nefnd sem tekur þessa ákvörðun um að breyta til­lögu umhverf­is­ráð­herra um að færa aðeins Hvamms­virkjun í nýt­ing­ar­flokk.

Með því að fresta umræð­unni sagð­ist Einar ætla að freista þess að greiða fyrir þing­störfum og reyna að finna lausn­ir. Málið sé ekki farið frá þing­inu en hann búist við því að nú muni fást svig­rúm til þess að vinna í mál­inu.

Stjórn­ar­and­stöðu­þing­menn fögn­uð­u þess­ari ákvörðun Ein­ars mik­ið, enda hafa þeir und­an­farna daga lagt til að málið verði tekið af dag­skrá þings­ins.