UNICEF, Flótta­manna­stofnun Sam­ein­uðu þjóð­anna, Rauði kross­inn og öll stærstu hjálp­ar­sam­tök heims leggja þunga áherslu á að ætt­leið­ingar milli lands séu alltaf sein­asta úrræði. Þetta segir Berg­steinn Jóns­son, fram­kvæmda­stjóri UNICEF á Íslandi í færslu á Face­book í dag, þar sem hann spyr og fjallar um hversu brýnt sé í dag að ætt­leiða börn frá Sýr­landi.

„Sam­kvæmt Barna­sátt­mála Sam­ein­uðu þjóð­anna á barn rétt á að umgang­ast fjöl­skyldu sína – nema annað sé því fyrir bestu. Mun­að­ar­laus börn eiga nefni­lega líka fjöl­skyld­ur. Þau eiga langoft­ast móð­ur­syst­ur, föð­ur­bræð­ur, afa og ömm­ur. Það sama á við um fylgd­ar­lausu börnin sem við heyrum mikið af í fjöl­miðlum þessa dag­ana og hafa mörg komið til Evr­ópu,“ skrifar Berg­steinn. Börnin þurfa hjálp við að sam­ein­ast fjöl­skyldum sín­um, skrifar Berg­steinn, og þeim sé best hjálpað með því að bjóða bæði þeim og fjöl­skyldum þeirra til lands­ins.

Færslu Berg­steins má lesa hér að neð­an.

Sig­mundur Davíð Gunn­laugs­son for­sæt­is­ráð­herra fjall­aði um mál­efni flótta­manna í stefnu­ræðu sinni á Alþingi í gær og sagði það íslenskum stjórn­völdum mik­il­vægt að brugð­ist verði við vand­anum eins og kostur er. Hann nefndi sem dæmi að meta þyrfti hvort hægt væri að ein­falda ætt­leið­ingar barna frá Sýr­landi og öðrum stríðs­hrjáðum löndum til Íslands.

„Ís­lensk stjórn­völd telja feyki­lega mik­il­vægt að við og aðrar þjóðir bregð­umst eins vel við þessum vanda og kostur er. Úrlausn­ar­efnið er gríð­ar­lega umfangs­mik­ið. Við munum þurfa að auka fram­lög til mála­flokks­ins umtals­vert og aðlaga und­ir­bún­ings­vinnu þró­un­inni að und­an­förnu. Við erum eflaust öll sam­mála um að við eigum að leggja áherslu á að nýta mögu­leika okkar til að fram­kvæma sem best skyldu okkar og vilja til að aðstoða fólk í neyð eftir bestu get­u,“ sagði Sig­mundur Dav­íð.