Unnar kjöt­vör­ur, líkt og beikon og pyls­ur, eru krabba­meins­vald­andi, sam­kvæmt nýrri úttekt Alþjóð­legu krabba­meins­rann­sókn­ar­stofn­un­ar­inn­ar, und­ir­stofn­unar Alþjóða heil­brigð­is­mála­stofn­un­ar­innar (WHO). The Guar­dian greindi frá þessu í dag, en skýrslan hefur verið birt á vef stofn­un­ar­inn­ar.

Þessa vörur verða fram­vegis flokk­aðar með öðrum vörum sem telj­ast auka líkur á krabba­meini, þar á meðal tóbaki. Í skýrsl­unni kemur þó fram skýr fyr­ir­vari um að ekki sé nauð­syn­legt að hætta að neyslu á þessum vörum heldur að stilla henni í hóf.

Skýrsla sem sýnir þessar nið­ur­stöður var birt í dag, en hún er byggð á sam­an­tekt á meira en átta hund­ruð rann­sóknum á tengslum kjöt­neyslu og krabba­meins. Nið­ur­staða skýrsl­unnar er að fimm­tíu grömm af unnum kjöt­vörum á dag auki líkur á krabba­meini í ristli og enda­þarmi um átján pró­sent. 

Tekið er fram í skýrsl­unni að frek­ari rann­sóknir þurfi til, svo að heild­ar­mynd fáist fram um hversu skað­leg neysla á rauðu kjöti sé fyrir lík­amann, og þá hvort það séu tengsl milli hennar og krabba­meins.