Stjórn Eim­skips til­kynnti ekki Kaup­höll­inni um að starfs­menn fyr­ir­tæk­is­ins hefðu verið kærðir til Sér­staks sak­sókn­ara af Sam­keppn­is­eft­ir­lit­inu, fyrir meint sam­keppn­islaga­brot, fyrr en í sept­em­ber. Stjórn­endur Eim­skips voru hins vegar upp­lýstir um til­urð kærunnar í sum­ar.

Gengi bréfa í Eim­skipum hefur fallið um 6,5 pró­sent frá því að Kast­ljós RÚV greindi frá meintum sam­keppn­islaga­brotum félags­ins og Sam­skipa. Alls hefur mark­aðsvirði Eim­skipa fallið um þrjá millj­arða króna á þremur dög­um.

Verð­fallið áyggju­efni

Ís­lenskir líf­eyr­is­sjóðir eru fyr­ir­ferð­ar­miklir á meðal hlut­hafa Eim­skips. Þannig á Líf­eyr­is­sjóður verzl­un­ar­manna 14,57 pró­senta hlut, hlutur Líf­eyr­is­sjóðs starfs­manna rík­is­ins nemur 11,19 pró­sentum og fleiri líf­eyr­is­sjóðir eiga minni hlut. Helgi Magn­ús­son, vara­for­maður stjórnar Líf­eyr­is­sjóðs verzl­un­ar­manna, segir Eim­skip ekki hafa upp­lýst sjóð­inn um fyrr­greinda rann­sókn.

Mar­í­anna Jón­as­dótt­ir, stjórn­ar­for­maður Líf­eyr­is­sjóðs starfs­manna rík­is­ins, segir slíkt hið sama. Eim­skip hafi ekki upp­lýst sjóð­inn um kæru Sam­keppn­is­eft­ir­lits­ins til Sér­staks sak­sók­ara. Hún segir verð­fall á hluta­bréfum Eim­skips mikið áhyggju­efni, og hyggst ræða stöð­una á næsta fundi líf­eyr­is­sjóðs­ins á mánu­dag.

Upp­lýs­ingar sem vörð­uðu mark­að­inn

Páll Harð­ar­son, for­stjóri Kaup­hallar Íslands, seg­ist fyrst hafa frétt af kæru Sam­keppn­is­eft­ir­lits­ins í Kast­ljós­inu. "Í kjöl­far umfjöll­un­ar­innar höfðum við sam­band við Eim­skip, sem svo sendi frá sér frétta­til­kynn­ingu vegna máls­ins." Hann segir að Kaup­höllin muni nú fara vel yfir allar þær upp­lýs­ingar sem Eim­skip hafði undir höndum varð­andi rann­sókn­ina. Aðspurður um hvort ekki hafi verið um verð­mynd­andi upp­lýs­ingar að ræða sem Eim­skip hefðu átt að til­kynna Kaup­höll­inni um, svar­aði hann: "Al­mennt séð tel ég að þetta séu upp­lýs­ingar sem hafa áhrif á mark­að­inn, það er að þessi vit­neskja varði mark­aðs­að­ila."