Guð­laugur Þór Þórð­ar­son, unt­an­rík­is- og þró­un­ar­sam­vinnu­ráð­herra, hefur ákveðið flutn­ing for­stöðu­manna sex sendi­skrif­stofa í utan­rík­is­þjón­ust­unni, sam­kvæmt nýrri til­kynn­ingu sem birt­ist á vef Stjórn­ar­ráðs­ins. Skrif­stof­urnar eru í Kana­da, Banda­ríkj­un­um, Kína, Ind­landi, Aust­ur­ríki og Ítal­íu.

Sam­kvæmt til­kynn­ingu Stjórn­ar­ráðs­ins verður Þórir Ibsen sendi­herra í Pek­ing 1. ágúst nk. Hann leysir Gunnar Snorra Gunn­ars­son sendi­herra af hólmi sem kemur til starfa í ráðu­neyt­ið.

Hlynur Guð­jóns­son verður settur sendi­herra í Ottawa en hann hefur gegnt stöðu aðal­ræð­is­manns í New York. Hann tekur við stöð­unni af Pétri Ásgeirs­syni sem kemur til starfa í ráðu­neyt­ið. Niku­lás Hannig­an, skrif­stofu­stjóri við­skipta­skrif­stofu, flyst á sama tíma í stöðu aðal­ræð­is­manns í New York.

Guðni Braga­son er settur sendi­herra í Nýju Delhi og tók við því emb­ætti 1. júlí sl. en Kristín A. Árna­dóttir tók í hans stað við stöðu fasta­full­trúa í Vín frá 1. júní sl.

Matth­ías G. Páls­son flyst í stöðu fasta­full­trúa í Róm og leysir þar af hólmi Stefán Jón Haf­stein sem flyst til starfa í ráðu­neyt­ið.