Árvak­ur, útgáfu­fé­lag Morg­un­blaðs­ins og mbl.is, tap­aði 42 millj­ónum króna í fyrra. Árið áður skil­aði sam­stæðan sex millj­óna króna hagn­aði. Stór hluti breyt­inga í afkomu er til­kom­inn vegna kostn­aðar við starfs­lok sem gjald­færður var í fyrra. Tekjur Árvak­urs dróg­ust saman á milli ára og voru 3,2 millj­arðar króna. Þá juk­ust rekstr­ar­gjöld, en þau voru um 3,1 millj­arður króna. Hagn­aður fyrir fjár­magnsliði og afskriftir var 103 millj­ónir króna og dróst saman um 60 millj­ónir króna á árinu. Þetta kemur fram í frétt um upp­gjörið í Morg­un­blað­inu í dag. Árs­reikn­ingi Árvak­urs hefur hins vegar ekki verið skilað til árs­reikn­inga­skrá­ar.

Í frétt­inni segir einnig að breyt­ingar hafi orðið á eign­ar­haldi Þórs­merk­ur, aðal­eig­anda Árvak­urs á aðal­fundi sem hald­inn var á dög­un­um. Legalis sf., félag sem Sig­ur­björn Magn­ús­son veitir for­stöðu, hafi keypt hluti Ósk­ars Magn­ús­son­ar, fyrrum útgef­anda Árvak­urs og félags hans. Sig­ur­björn var kjörin til áfram­hald­andi setu í stjórn Árvak­urs ásamt Ásdísi Höllu Braga­dóttur og Bjarna Þórði Bjarna­syni. Auk þess voru Katrín Pét­urs­dóttir og Frið­björn Orri Ket­ils­son kosin ný inn í stjórn. Frið­björn Orri var árum saman rit­stjóri og ábyrgð­ar­maður umdeilds vefs sem hét amx.­is. Vef­ur­inn hætti starf­semi 1. októ­ber 2013.

Breyt­ingar á eign­ar­haldi Þórs­merkur hafa ekki verið til­kynntar til Fjöl­miðla­nefnd­ar. Þar eru eign­ar­hlutir Ósk­ars og félags hans sagðir vera sam­an­lagt 12,37 pró­sent.

Eign­ar­hald Árvak­urs sam­kvæmt upp­lýs­ingum á síðu nefnd­ar­inn­ar:

Óskar Magn­ús­son, 0,08 pró­sent

Rammi hf., for­sv.­maður Ólafur Mart­eins­son, 6,14 pró­sent

Laug­ar­holt ehf., for­sv.­maður Þor­geir Bald­urs­son, 0,08 pró­sent

Krossa­nes ehf., for­sv.m. Þor­steinn Már Bald­vins­son, 18,43 pró­sent

Páll Hreinn Páls­son, 2,05 pró­sent

Hlynur A ehf., for­sv.­maður Guð­björg Matth­í­as­dótt­ir, 16,38 pró­sent

Ára­mót ehf., for­sv.­maður Óskar Magn­ús­son, 12,29 pró­sent

Brekku­hvarf ehf., for­sv.m. Ásgeir Bolli Krist­in­son, 2,05 pró­sent

Legalis sf., for­sv.­maður Sig­ur­björn Magn­ús­son, 1,97 pró­sent

Kaupf. Skag­firð­inga, for­sv.m. Sig­ur­jón Rafns­son, 9,01 pró­sent

Fjár­f.­fé­lagið GIGAS ehf. for­sv.m. Hall­dór Krist­jáns­son, 4,10 pró­sent

Skolla­borg ehf., for­sv.m. Einar Valur Krist­jáns­son, 1,72 pró­sent

Fari ehf., for­sv.­maður Jón Pálma­son, 2,05 pró­sent

Síld­ar­vinnslan hf., for­sv.­maður Gunn­þór Ingva­son 6,14 pró­sent

Þingey ehf., for­sv.­maður Aðal­steinn Ing­ólfs­son 4,10%

Ís­fé­lag Vest­manna­eyja hf., for­sv.­maður Stefán Frið­riks­son 13,43 pró­sent

Miklar afskriftir frá hruni

Eftir banka­hrunið var fjár­hags­staða Árvak­urs afleit og félagið nær algjör­lega upp á náð og mis­kunn Íslands­banka kom­ið. ­Út­gáfu­fé­lagið var rekið með 570 millj­óna króna halla á árinu 2008. Áætl­anir sem unnið var eftir höfðu gert ráð fyrir 340 millj­óna króna hagn­aði og því var raun­veru­leik­inn 910 millj­ónum krónum verri en upp­haf­legt plan. Auk þess skuld­aði félagið 4,4 millj­arða króna.

Þann 26. febr­úar 2009 var til­kynnt að hópur undir for­ystu Ósk­ars Magn­ús­son­ar, sem hafði stofnað félagið Þórs­mörk ehf. utan um til­boð­ið, myndi eign­ast Árvakur með yfir­töku skulda og nýju hluta­fé. Auk Ósk­ars til­heyrðu Guð­björg Matth­í­as­dótt­ir, Gísli Baldur Garð­ars­son, Gunnar B. Dungal, Pétur H. Páls­son, Þor­geir Bald­urs­son í Odda og útgerð­ar­kong­ur­inn Þor­steinn Már Bald­vins­son hópn­um. Aug­ljós sjáv­ar­út­vegskeimur var af félag­inu og margir eig­endur þess höfðu náin tengsl við Sjálf­stæð­is­flokk­inn. Þessi hópur hefur síðan tekið nokkrum breyt­ing­um, líkt og sést á upp­taln­ingu eig­enda hér að ofan.

Hinir nýju eig­endur höfðu fengið væn­lega skuld­ar­nið­ur­fell­ingu þegar þeir tóku við Árvakri. Alls voru skuld­irnar lækk­aðar um 3,5 millj­arða króna. Þrátt fyrir þessa miklu nið­ur­fell­ingu gekk rekst­ur­inn illa og rekstr­ar­tap Árvak­urs var 667 millj­ónir króna á árinu 2009. Árið eftir tap­aði það 330 millj­ónum króna alls og á árinu 2011 nam tapið 205 millj­ónum króna. Tapið var skap­legra árið 2012, eða 47 millj­ónir króna. Nýir eig­endur hafa sett mikið fé í rekst­ur­inn til að mæta þessu mikla tapi.

Það hefur ekki dugað til og skuldir Árvak­urs voru lækk­aðar um tæpan millj­arð króna í við­bót í lok árs 2011. Í árs­reikn­ingi félags­ins fyrir það ár kom fram að lækk­unin hefði verið hluti af fjár­hags­legri end­ur­skipu­lagn­ingu þess. Árvakur er því eitt fárra fyr­ir­tækja sem hefur farið tví­vegis í gegnum þvotta­vél­ina frá banka­hruni.