„Var ólofaður og ógiftur þegar þetta átti sér stað“

Tómas A. Tómasson þingmaður Flokks fólksins hefur birt skjáskot á Twitter-síðu sinni þar sem hann skrifar til félaga síns þegar hann var staddur í Bangkok árið 2014: „Ein dásamleg 26 ára ca. 45 kg var að yfirgefa herbergið smokklaust.“

Bára Huld Beck 28. apríl 2022

„Kæru twitter vinir þetta skjáskot er að fara að birtast i fjölmiðlum vil taka fram að ég var ólofaður og ógiftur þegar þetta átti sér stað en svona er lifið engin veit sína æfi fyrr en öll er.“

Þetta skrifar Tómas A. Tómasson þingmaður Flokks fólksins á Twitter í dag.

Ástæðan er fréttaflutningur Vísis af skjáskoti frá manni sem ræðir við Tómas í skilaboðum árið 2014 sem hann birti á Facebook fyrr í mánuðinum en samkvæmt Vísi fylgdi þar spurning um það hvort manni sem sendi skilaboð af þessum toga væri sæmandi að vera þingmaður.

Í skilaboðunum frá Tómasi, sem er nýlentur í Bangkok, segir: „Ein dásamleg 26 ára ca. 45 kg var að yfirgefa herbergið smokklaust. En byrjaði á nuddkonunni fyrr í dag, kvöldið er ungt, 20.21.“

Sá sem svarar Tómasi segir: „Mikil öfund hérna. Var bara að enda við æfingu, það er það eina sem ég fæ.“

Tómas svarar: „Elsku karlinn laet þig vita thegar eg tek eina fyrir thig.“ Hann fær svarið: „Ok en ekki i einu.“

Skjáskot af tísti þingmannsins, sem hann síðar eyddi.

Þingmaðurinn segir í samtali við Vísi að hann hafi ekki greitt fyrir kynlíf í Taílandi sem vísað er til í smáskilaboðum sem hann sendi til kunningja síns árið 2014. „Ég hitti konu sem er yngri en ég, er það þá fréttaefni?“ spyr Tómas í samtali við Vísi. Hann segist ennfremur skilja að þetta hljómi ekki vel „í ákveðnu samhengi“ en spyr hvort ógiftur og ólofaður maður sem hittir einhverjar konur sé sekur.

Uppfært kl. 12:22. Hlekkur á tíst Tómasar var fjarlægður úr fréttinni, þar sem Tómas hefur eytt því af Twitter.

Við þurfum á þínu framlagi að halda

Þú getur tekið beinan þátt í að halda úti öflugum fjölmiðli.

Við sem vinnum á ritstjórn Kjarnans viljum hvetja þig til að vera með okkur í liði og leggja okkar góða fjölmiðli til mánaðarlegt framlag svo við getum haldið áfram að vinna fyrir lesendur, fyrir fólkið í landinu.

Kjarninn varð níu ára í sumar. Þegar hann hóf að taka við frjálsum framlögum þá varð slagorðið „Frjáls fjölmiðill fyrir andvirði kaffibolla“ til og lesendur voru hvattir til að leggja fram í það minnsta upphæð eins kaffibolla á mánuði.

Mikið vatn hefur runnið til sjávar á þeim níu árum sem Kjarninn hefur lifað. Í huga okkar á Kjarnanum hefur þörfin fyrir fjölmiðla sem veita raunverulegt aðhald og taka hlutverk sitt alvarlega aukist til muna.

Við trúum því að Kjarninn skipti máli fyrir samfélagið.

Við trúum því að sjálfstæð og vönduð blaðamennska skipti máli.

Ef þú trúir því sama þá endilega hugsaðu hvort Kjarninn er ekki allavega nokkurra kaffibolla virði á mánuði.

Vertu með okkur í liði. Þitt framlag skiptir máli.

Ritstjórn Kjarnans: Sunna Ósk Logadóttir, Þórður Snær Júlíusson, Erla María Markúsdóttir, Arnar Þór Ingólfsson, Eyrún Magnúsdóttir og Grétar Þór Sigurðsson.

Já takk, ég vil styrkja Kjarnann!

Orðafjöldi: 373 Færslan var síðast uppfærð: 28. apríl 2022, kl. 13:18
Færslan birtist fyrst: 28. apríl 2022, kl. 11:57

Í upphaflegri útgáfu fréttarinnar stóð á einum stað að Tómas væri þingmaður Miðflokksins en rétt var farið með að hann sé þingmaður Flokks fólksins að öðru leyti. Þessi mistök hafa verið leiðrétt. Beðist er velvirðingar á þeim.