Vest­manna­eyja­bær hef­ur, ásamt öðrum fyrr­ver­andi stofn­fjár­eig­endum í Spari­sjóði Vest­manna­eyja, ráðið Jónas Fr. Jóns­son, lög­mann og fyrr­ver­andi for­stjóra Fjár­mála­eft­ir­lits­ins, til að gæta hags­muna sinna gagn­vart sjóðn­um.

Fjár­mála­eft­ir­litið tók nýverið ákvörðun um sam­runa Spari­sjóðs Vest­manna­eyja og Lands­bank­ans, en sam­run­inn tók form­lega gildi þann 29. mars síð­ast­lið­inn. Bæj­ar­stjórn Vest­manna­eyja­bæjar telur að margt í aðdrag­anda falls spari­sjóðs­ins orki tví­mæl­is, að því er fram kemur í ályktun bæj­ar­stjórnar frá 1. apríl síð­ast­liðn­um.

Í ályktun bæj­ar­stjórn­ar er sá skammi tími sem Fjár­mála­eft­ir­litið gaf stjórn sjóðs­ins til að bregð­ast við bágri fjár­hags­stöðu hans harð­lega gagn­rýnd­ur. „Öllum er ljóst að sá vandi sem steðj­aði að Spari­sjóðnum var engin landsvá eins og þegar íslenska banka­kerfið hrundi haustið 2008. [...] ­Stjórn og stjórn­endum Spari­sjóðs­ins gafst eng­inn tími til að gera rekst­ar­á­ætl­anir eða vinna annan und­ir­bún­ing sem nauð­syn­legur var til að kynna núver­andi stofn­fjár­eig­endum fram­tíð­ar­mögu­leika sjóðs­ins með það í huga að leggja sjóðnum til nægj­an­legt fjár­magn til end­ur­reisnar hans. Því gafst ekki nauð­syn­legt ráð­rúm til umræðu og und­ir­bún­ings undir mögu­lega end­ur­reisn sjóðs­ins,“ segir í álykt­un­inni.

Ekki hugað að sam­keppn­is­sjón­ar­miðum

Þá gagn­rýnir bæj­ar­stjórn Vest­manna­eyja­bæjar að Lands­bank­an­um, einum stofn­fjár­hafa, hafi verið veitt heim­ild til að kynna sér útlána­stöðu sjóðs­ins. „Þetta er ekki bara óskilj­an­legt út frá sjón­ar­miðum jafn­ræðis gagn­vart stofn­fjár­höf­um, heldur einnig gagn­vart almennum sam­keppn­is­sjón­ar­mið­u­m.“

Vest­manna­eyja­bær hefur meðal ann­ars falið Jónasi Fr. að vinna lög­fræði­legt mat á „fram­göngu rík­is­að­ila“ í tengslum við atriði sem koma fram í minn­is­blaði Elliða Vign­is­sonar bæj­ar­stjóra, sem fjallar um þá stöðu sem leiddi til „þess að Spari­sjóður Vest­manna­eyja var á þving­aðan máta sam­ein­aður við Lands­bank­ann.“