Sig­ríður Á. And­er­sen, þing­maður Sjálf­stæð­is­flokks­ins, gerði áfeng­is­sölu á Íslandi að umræðu­efni undir liðnum störf þings­ins á Alþingi í vik­unni.

„Sagan geymir ýmis dæmi þess að ný tækni og nýjar vörur og nýir við­skipta­hættir sem þeim fylgja rjúfi ein­okun á ákveðnum sviðum og það þótt að rík­is­valdið sé alveg stað­ráðið í því að halda ein­ok­un­ar­stöðu sinn­i,“ sagði þing­mað­ur­inn og bætti því að með auk­inni net­verslun und­an­far­inna ára hefði ein­okun Áfeng­is- og tóbaks­verslun rík­is­ins verið rofin að því leyti að Íslend­ingar gætu núna með ein­földum hætti pantað áfengi frá öðrum smá­sölum en ÁTVR.

Það ætti þó ein­ungis við erlendar smá­sölur handan hafs­ins „með til­heyr­andi óhag­ræði fyrir við­skipta­vini hér á landi vegna tíma og kostn­aðar sem fylgir þessum flutn­ingi yfir haf­ið“.

Nefndi Sig­ríður í þessu sam­hengi fréttir þess efnis að franskt fyr­ir­tæki, San­tewines SAS, byði Íslend­ingum nú að kaupa vín á vef sínum og fá það afhent sam­dæg­urs eða næsta virka dag. „Sam­kvæmt upp­lýs­ingum á vef fyr­ir­tæk­is­ins er birgða­hald fyr­ir­tæk­is­ins hér á landi sem útskýrir stuttan afgreiðslu­tíma. Það er rétt að halda því til haga að fyr­ir­tækið skil­ar, að því að mér skil­st, öllum áfeng­is­sköttum til rík­is­sjóðs og áfeng­is­versl­un­ar­innar og gætir einnig að aldri við­skipta­vina,“ sagði hún.

„Kom­inn tími til fyrir löngu“

Spurði þing­mað­ur­inn í fram­hald­inu til hvers Íslend­ingar héldu í þessa ein­ok­un­ar­verslun rík­is­ins. „Til hvers höldum við þessum ein­ok­un­ar­til­burðum áfram? Þeir virð­ast ein­göngu hafa þau áhrif að fyr­ir­tæki sem gætu verið stofnuð hér á landi eru stofnuð erlendis og greiða þar tekju­skatt ef vel geng­ur. Varla trúa menn því að það breyti ein­hverju um drykkju­venjur hvort vef­verslun er skráð til heim­ilis í Búrg­undí eða hér á land­i.“

Lauk hún máli sínu með því að segja að Íslend­ingar ættu að færa þessa verslun heim í hér­að, frá Búrg­undí í Bústaða­hverf­ið, svo dæmi væri tek­ið. „Kom­inn tími til fyrir löng­u.“