"Við erum að fara á stórmót í fyrsta skipti, það er klárt"

9954443664-2a382dd2b2-z.jpg
Auglýsing

Mikil eft­ir­vænt­ing ríkir fyrir viður­eign íslenska karla­lands­liðs­ins í fót­bolta við það hol­lenska, sem fram fer á Laug­ar­dals­vell­inum í kvöld. Um er að ræða þriðja leik lið­anna í A-riðli for­keppni Evr­ópu­meist­ara­móts­ins í knatt­spyrnu, sem fram fer í Frakk­landi árið 2016. Ísland trónir á toppi rið­ils­ins með fullt hús stiga eftir frækna sigra á Tyrkjum og Lett­um, sem báðir lykt­uðu 3-0.

Tólfan, stuðn­ings­sveit íslenska lands­liðs­ins í knatt­spyrnu, hyggst fjöl­menna í N-hólf "nýju" stúkunnar í kvöld sem endranær. "Maður er við það að fríka út," segir Styrmir Gísla­son for­maður og annar stofn­enda Tólf­unnar í sam­tali við Kjarn­ann.

Vildu breyta ­stemmn­ing­unni í stúkunni



Tólfan var stofnuð árið 2007 af Styrmi og Grét­ari Erni Eiríks­syni. "Við fórum á leik gegn Lett­um, minnir að það hafi verið árið 2006 eða 2007. Við töp­uðum leiknum og það voru svona fjórir eða fimm Lettar í stúkunni sem hrein­lega eign­uðu sér Laug­ar­dals­völl­inn. Við Grétar hertum okkur upp og görg­uðum eitt­hvað á móti Lett­un­um, en fengum þá óþægi­legt augna­ráð frá öðrum vall­ar­gestum fyrir að vera að æpa eitt­hvað á þjóð­ar­leik­vang­in­um. Þá hugs­uðum við með okkur að þetta gengi auð­vitað ekki."

"Við töp­uðum leiknum og það voru svona fjórir eða fimm Lettar í stúkunni sem hrein­lega eign­uðu sér Laug­ar­dals­völl­inn. Við Grétar hertum okkur upp og görg­uðum eitt­hvað á móti Lett­un­um, en fengum þá óþægi­legt augna­ráð frá öðrum vall­ar­gestum fyrir að vera að æpa eitt­hvað á þjóð­ar­leik­vang­in­um. Þá hugs­uðum við með okkur að þetta gengi auð­vitað ekki."

Auglýsing

Styrmir og Grétar hófu þá leit að fólki til að stofna stuðn­ings­sveit fyrir íslenska karla­lands­liðið í fót­bolta. "Það gekk ótrú­lega vel, og Tólfan setti mæt­ing­ar­met í leik á móti Spán­verj­um, þegar Eyjólfur Sverr­is­son var með lið­ið. Það gekk kannski ekk­ert voða­lega vel hjá lands­lið­inu á þessum tíma, en það var alltaf gleði hjá Tólf­unn­i."

"Lars og Heimir vildu fá Tólf­una sína aft­ur"



Dap­urt gengi lands­liðs­ins undir stjórn Eyj­ólfs og svo Ólafs Jóhann­es­sonar dró kraft­inn úr Tólf­unni, auk þess sem Styrmir flutti út á land og gat því ekki sinnt stuðn­ings­sveit­inni sem skyldi. Tólfan gekk svo í end­ur­nýjun líf­daga eftir að Lars Lag­er­bäck og Heimir Hall­gríms tóku við íslenska lands­lið­inu. "Heimir hringdi í mig og boð­aði mig á fund með sér og Lars. Ég átti frá­bæran fund með þeim, en þeir vildu fá Tólf­una sína aft­ur," segir Styrm­ir. "Þeir gerðu sér grein fyrir hversu vel þetta helst í hendi, góður stuðn­ingur og vel­gengni. Hversu mik­il­vægt það er að hafa ein­hverja með sér í liði á pöll­un­um. Þeir báðu okkur um að keyra þetta aftur í gang, sem og við gerð­u­m."

Síðan þá hefur Tólfan verið áber­andi í stúkunni, og vel­gengni lands­liðs­ins hefur vissu­lega haft sitt að segja með áhuga fólks á að ganga til liðs við stuðn­ings­veit­ina. "Maður finnur hvað það er auð­velt núna að peppa menn upp í þetta. Lands­liðs­menn­irnir þurfa ekki annað en að minn­ast á okkur í við­töl­um, sem þeir hafa gert, og að stuðn­ingur okkar skipti þá máli. Það eru verð­launin okk­ar," segir Styrm­ir.

Selja treyjur til að eiga fyrir gjall­ar­hornum og trommu­skinni



Tólfan heldur ekki félaga­tal en selur sér­stakar stuðn­ings­manna­treyj­ur, en seldar treyjur í dag eru hátt í þrjú hund­ruð tals­ins. Styrkt­ar­að­ilar Tólf­unnar nið­ur­greiða treyj­urn­ar, en lítil hluti and­virð­is­ins rennur til stuðn­ings­sveit­ar­inn­ar. "Þetta er bara smá pen­ingur sem við þurfum til að halda utan um batt­er­í­ið, kaupa gjall­ar­horn og ný trommu­skinn. Við fáum ekk­ert per­sónu­lega í okkar hlut, við sem erum að halda utan um þetta," segir Styrm­ir.

Þegar Tólfan var í fæð­ingu, fór Styrmir á fund for­ráða­manna KSÍ til að kynna þeim hug­mynd­ina og leita eftir stuðn­ingi. "Þeir höfðu miklar efa­semdir um að þetta myndi virka, þetta hefði verið reynt áður og aldrei gengið almenni­lega. Þeir voru hins vegar til­búnir að gefa okkur afslátt á mið­um. Í dag hafa þeir séð ljósið og við njótum vel­vildar þeirra varð­andi miða­sölu og svo­leið­is."

Hand­viss um að íslenska lands­liðið sé á leið á stór­mót í fyrsta skipti



Ís­lenska karla­lands­liðið hefur tvisvar att kappi við það hol­lenska á und­an­förnum árum. Í hrun­leiknum svo­kall­aða, sem fram fór 11. októ­ber 2008 í Rott­er­dam, tap­aði íslenska lands­liðið fyrir Hol­lend­ingum 2-0 í und­ankeppni HM 2010. Óánægðir við­skipta­vinir Lands­bank­ans voru áber­andi á pöll­unum í þeim leik, og kröfð­ust þess að Íslend­ingar stæðu við skuld­bind­ingar sínar vegna Ices­a­ve. Síð­ari leikur þjóð­anna í und­ankeppni HM fór fram á Laug­ar­dals­velli 6. júní 2009, en sá leikur lyktaði með 2-1 sigri Hol­lend­inga. Til marks um end­ur­nýj­un­ina sem hefur átt sér stað í íslenska karla­lands­lið­inu á síð­ustu árum, er útlit fyrir að engin leik­maður sem byrj­aði leik­inn gegn Hol­lend­ingum árið 2009, verði í byrj­un­ar­liði Íslands í kvöld.

Stuðningsmenn hollenska landsliðsins hafa verið áberandi í miðbæ Reykjavíkur í dag. Stuðn­ings­menn hol­lenska lands­liðs­ins hafa verið áber­andi í miðbæ Reykja­víkur í dag.

"Ég er búinn að spá því að leik­ur­inn í kvöld fari 2-2. Ég held að við gerum jafn­tefli við Hol­lend­inga í báðum leikj­unum okkar við þá í riðl­in­um, og við förum upp úr riðl­in­um. Við erum að fara á stór­mót í fyrsta skipti, það er klárt. Ég er hand­viss um það," segir Styrmir Gísla­son for­maður Tólf­unn­ar.

 

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Engin aukning í sjálfsvígum í fyrstu bylgju COVID-19
Ólíkt öðrum stórum efnahagsáföllum fjölgaði sjálfsvígum ekki í kjölfar kreppunnar sem fylgdi fyrstu bylgju heimsfaraldursins í fyrra í hátekjulöndum, samkvæmt nýrri rannsókn.
Kjarninn 18. apríl 2021
Halldór Gunnarsson
Prósentur, meðaltöl og tíundir í þágu eldri borgara
Kjarninn 18. apríl 2021
Anna Tara Andrésdóttir
Sóttvarnayfirvöld fylgja ekki rannsóknum sem benda til þess að andlitsgrímur virki ekki
Kjarninn 18. apríl 2021
Jón Ormur Halldórsson
Kaflaskilin í Kína
Kjarninn 18. apríl 2021
Þrettán manns greindust með COVID-19 innanlands í gær. Fólk er hvatt til að fara í skimun við minnstu einkenni.
Þrettán smit innanlands – hópsmit í kringum leikskóla í Reykjavík
Í gær greindust fleiri með COVID-19 innanlands en á nokkrum öðrum degi síðan 23. mars. Átta voru utan sóttkvíar og hinir höfðu verið stutt í sóttkví.
Kjarninn 18. apríl 2021
Skriðdreki rússneskra aðskilnaðarsinna í Donbas á ferðinni á heræfingu í upphafi þessa árs. Yfir 15 þúsund hafa látið lífið síðan átökin í Úkraínu hófust árið 2014. Nú eru blikur á lofti.
Rússar herða tökin í Úkraínu
Rússar sýna nú ógnandi tilburði við landamæri Úkraínu. Samhliða beita þeir ýmsum tólum fjölþáttahernaðar og Vesturlönd velkjast í vafa um viðbrögð.
Kjarninn 18. apríl 2021
„Stundum hef ég hugsað um hvað gerist ef það kviknaði í hér inni. Það eru margir neyðarútgangar en innan við þá alla eru full vörubretti, þetta er kolólöglegt en enginn gerir neitt,“ sagði einn starfsmaður undir nafnleynd við dagblaðið Information nýlega
Þrælahald
Fimmtán klukkustunda vinna á hverjum degi mánuðum saman, kröfur um afköst, sem ekki er hægt að uppfylla, tímaáætlun sem ekki gerir ráð fyrir salernisferðum og kaffitímum. Svona er vinnuaðstæðum lýst hjá þekktri danskri netverslun.
Kjarninn 18. apríl 2021
Ingibjörg Isaksen mun leiða lista Framsóknar í Norðausturkjördæmi í haust.
Ingibjörg Isaksen efst hjá Framsókn í Norðausturkjördæmi – Líneik önnur
Ingibjörg Ólöf Isaksen bæjarfulltrúi og framkvæmdastjóri á Akureyri varð hlutskörpust í póstkosningu Framsóknarflokksins í Norðausturkjördæmi. Hafði hún betur en Líneik Anna Sævarsdóttir þingmaður flokksins, sem varð önnur í kjörinu.
Kjarninn 17. apríl 2021
Meira úr sama flokkiInnlent
None